我係網上面識左個女仔: 第二十一章-戀情(2)

我企係一二邊食花生睇戲，跟住Rummy突然捉住我……
……
捉住我，一野咀埋黎……

「你做咩呀！」
如果以前，有個女神級女仔錫我，我真係開心都黎唔切，仲要諗下係咪發緊夢。
不過宜家時勢唔同，我有女朋友架啦！
如果比Anna睇到點算？

呢個時候，一個女仔係學校行出黎……



宜家既情境係……

男a 暴跳如雷，塊臉紅曬。
佢就係Rummy男友。

男b 眼神充滿惶恐，手足無措。
佢就係我。

女a 一臉淘氣，以成功既姿態對住男a。


佢就係Rummy。

女b 驚訝咁望住眼前一幕。
佢就係行出黎果個女仔，Anna。

T×B咩！？有冇咁橋呀！？

「An…Anna！件事唔係你諗咁架……」
我當然急於解釋，而Rummy呢個時候先發現Anna存在。
Rummy！我比你害死啦！



但Rummy竟然唔係第一時間幫我解釋，而係拉走左我，唔比我有解釋既機會……

「Anna！！！！！！！！！！！！！！！！！！！」

點解Rummy咁向左走向右走大力架hi！

去左一個公園，Rummy終於停低。

「Frog，我依家好需要你幫手，你同我冷靜啲！」
「我再唔解釋水洗都唔清呀！」
「你同佢扮架咋嘛！」
我瞪大雙眼望住Rummy。

「咩呀！我早兩日hack到入Anna facebook，睇曬你地啲野啦！仲扮野，你地對假情侶！我同阿輝係真感情黎架！我真係好需要你幫手架……」


如果再解釋比Rummy聽，真係趕唔切追上Anna，但係……唉…！

「喂！」
我無視Rummy既叫喊，撇下佢隻手，跑番學校方向。

Anna，你唔好誤會呀！

Anna，你要信我呀！

Anna！

返到去學校，冇Anna嘅蹤影，等緊我嘅只有一個男仔。
呀唔係，係一個拳頭。

Rummy男友，姐係阿輝，怒氣沖沖咁衝過黎打我，雙眼佈滿血絲。



佢一拳就將我打落地。

「賤人！」
佢準備再揮拳。

「搶我條女，仲要一腳搭兩船！」