呢段日子,Anna一直都有係我身邊鼓勵我,我地既關係亦係果日變成男女朋友。

一切都好似好正常。

我以為我既生活會就咁落去:
繼續維持呢段戀情,係姨媽屋企住。

但睇黎一段戀情點都要遇上波折,偏偏係我地呢段戀情剛萌芽,打算茁壯成長時遇上。

大家記得Rummy嗎?就是前幾章的那個Rummy。



我講過佢好似有男朋友,而且好有女神feel吧,記住呢點,再睇落去。

就係喪禮之後果日,佢whatsapp左我。

「你有冇搞錯呀!」
「?」
「你叫Anna改密碼!?」
「有咩問題…?」
「?」


「你偷睇本來就唔啱」
「哼!為左補償我既損失,你聽日5點鐘黎×××學校門口等我!」
「下?點解?」
跟住佢就off左。

衰就衰在我真係應約。

「Rummy!」
「估唔到你真係黎左」
……


唔係你叫我黎既咩……

佢跟住無啦啦橋住我。

「喂!你做咩?」
我即刻想縮開,但佢橋得好實。

呢個時候一個男仔行緊過黎。

「黃秀蘭!你做咩呀!」
佢大喊,黃秀蘭正正就係Rummy個名。

跟住Rummy放開左我,同個男仔嗌交。

我大概了解到,Rummy係想借我過橋,激佢男朋友。