甜甜蜜蜜又過一日。

今日已經係冰釋前嫌後第七日,剛剛好一星期,連續七日有無限咁多糖分比我攝取,我都就黎有糖尿病。

係上個星期我地係各自家門前相遇對方嘅時間,我地好有共識咁一齊開門,然後當然係甜甜蜜蜜咁去茶記食早餐。

「火腿通呀唔該」
「餐蛋麵呀唔該」
我地同時開口。
不過今次係幫對方叫,上次嘅尷尬換成今次嘅甜蜜,我地相視而笑,再同時開口。



「你仲記得!」
然後大家又繼續笑,野食到左,大家交換黎食,通粉中間有條麵,火腿上面有隻蛋。

我再講我地有幾sweet我驚讀者打我,所以你地自己自行想象,反正係好甜好甜,我都唔知呢两篇我講左幾多個「甜」字,有讀者得閒就幫我數啦。

星期一。

今日應承左Anna同佢食lunch,時間其實唔太充裕,我一打鐘就九秒九衝出去,去到佢學校,係塵世嘅mk女神偽女神腐女娘娘宅女中,我一眼就認出Anna果個天真可愛嘅笑容。



佢學校比較近我地屋企,我地去左老地方--茶記食,呢度見證住我地感情大躍進果一刻(解釋清楚 佢原諒我),我地都好鍾意黎呢度。

期間我又見到阿爸……
佢坐左係近門口一張檯。

我又醒起果日佢出現係我屋企樓下……之前掛住Anna,掛住解釋,都無左件事添……一陣記得問Anna阿爸果日去左邊。

你問我點解唔宜家衝去問阿爸?
因為佢離遠一見到我就即刻埋單走左。