我係網上面識左個女仔: 第二十七章-這不是導火線(1)

食緊飯。

「Anna」
「？」
「上次呢，你原諒既我前一日果個星期五，有個男人同你一齊，果個係邊個？」
「……？男人……？」
「應該同你一齊入升降機。」
「……哦……你應該講緊我老豆？」
「老豆……？」
「係呀。果日老豆同我一齊返屋企。」



老豆？果個係我阿爸黎啵……點解我阿爸會突然變左人地老豆？仲要係我條女嘅老豆？

帶住疑問，今日就咁過左，Anna好似察覺唔到，我對佢「老豆」既疑問，不過咁都不失為一件好事。

第二日，我提出去Anna屋企，好聽係「見家長」，實情係，見佢老豆。

我係屋企門口，內心波濤洶湧……如果見到我阿爸……如果阿爸係Anna老豆……點算……？

我戰戰兢兢咁入到去Anna屋企，佢屋企主色係橙色，比人一種清新既感覺，正係我暫時忘記左「阿爸同老豆」呢個又複雜又簡單又麻煩又奇怪又……（下刪數萬形容詞）既哲學問題，欣賞緊Anna屋企嘅格局，佢就出現左係我眼前。



阿爸……

野生的阿爸突然出現了！咳咳，我嘅意思係佢係其中一間房行出黎，佢望到我之後一臉愕然。

「阿爸……！」
我唔小心叫左出黎……

「喂，唔好亂叫我老豆做阿爸喎！」
好彩Anna無發現端倪。



「老豆～呢個係我男友，佢叫李榮軒。」
「軒……軒仔……你好……」
「世伯你好」
我特登加重音係「世伯」二字度。

估唔到阿爸竟然係Anna老豆……
到底發生咩事……
係Anna臉前我扮到無野咁，反而阿爸表現唔太自在。
我遲啲一定搵你問清楚！阿爸，我要你比個合理解釋我……