我係網上面識左個女仔: 第二十九章-這不是導火線(3)

「Daisy好似只係個過路人咁出現係呢個男人既生命中，佢地係曾經發生過關係，不過Daisy知道呢個男人好愛好愛阿麗，所以佢選擇左自動退出。好似無出現過咁，呢個男人，呢個負心漢，就咁無左件事，繼續佢既幸福快樂既生活，以為可以同阿麗開開心心咁生活落去。」
 
「可惜事與願違，童話既結局並無發生係佢地身上……
佢地後來再生多左個仔，叫軒仔。而同時，Daisy一個人養住同呢個男人既骨肉，不過呢個男人唔知道。後來Daisy嫁左個老公，再生多左個女。」
 
「2003年，沙士……」
佢停頓左一陣，再繼續。
 
「死左好多人，包括呢個男人既大仔，同Daisy老公，Daisy一個人照顧兩個細路都毫無怨言。」
 


「一個月前，Daisy佢終於頂唔順，捱病左自己，兩個細路就交左俾婆婆照顧，不過老人家，照顧兩個細路都幾辛苦，Daisy唔忍心見到婆婆咁辛苦，終於鼓起勇氣，打俾呢個男人，想佢幫手照顧兩個細路。」
 
「男人知道自己原來做左個不負責任既男人咁多年，覺得好對唔住Daisy ，終於，選擇左去照顧Daisy同兩個細路，佢以為Daisy一個人照顧兩個細路咁多年都得，阿麗都可以，唔想畀老婆知道佢出面有個仔既事，作左個理由，一走了之，點知……」
 
「點知阿媽就咁比你害死左！」
聽到呢度，我已經大概知道成件事既來龍去脈，為左男人所謂既面子？阿媽就咁自殺左……
 
「係……呢個男人就係我……阿麗就係你阿媽……Daisy對仔女就係Anna同佢阿哥……對唔住……我原本以為可以瞞你地一世……」
 
「估唔到個天要你個仔同你個『女』拍拖！」


 
「對唔住……」
 
我轉身離去，不帶走一片雲彩。