我係網上面識左個女仔: 第二十八章-這不是導火線(2)

翌日，我放左學之後，見到阿爸企係屋企樓下。

「仔，要唔要一齊食個飯？」
阿爸唔再係以前果個笑嘻嘻既阿爸，以往敦厚既臉上徒添左一份憔悴，同一份傷感，應該話，依家既佢，根本唔係我阿爸。

「世伯，我唔係你個仔，不過我唔介意同你食餐下午茶既。」
我無辦法認佢做阿爸。

我地去左m記坐低。



「軒仔，阿爸對唔住你地兩母子，不過，可唔可以等我同你講個故仔……？」
「講啦……」

佢深深吸一口氣，再慢慢呼出，然後開口，講呢個故事……

「有一個男人，佢係傳統嘅乖乖仔，勤力讀書，甚至中學時期無拍過拖，大家都以為佢係個老實人，係個傳統好男人，邊個嫁著佢一定好幸福，個男人都以為自己會好專一，係佢二十歲果年，佢既初戀終於黎臨。」

「呢個女人叫阿麗，呢個男人好愛阿麗，男人二十二歲果年，佢地發生左關係，阿麗有左呢個男人既BB。」

「佢地無好似預期咁結左婚，因為阿麗爸爸覺得呢個男人未有足夠能力養起一頭家，阿麗爸爸比左個期限呢個男人，三年內要買到層樓。」



「呢個男人好努力好努力，一日打三份工咁儲錢，結果，用左兩年半，佢就買左一個500尺既單位。呢個時候，小朋友已經就黎兩歲。」

「根本無人估到，呢個老實人，呢個『好男人』，係兩年半間，識左個女人，佢叫Daisy，男人亦對佢產生左情愫，你話呢個男人仲中唔中意阿麗？我可以好肯定答你，佢愛既只有阿麗。」

「Daisy好似只係個過路人咁出現係呢個男人既生命中，佢地係曾經發生過關係，不過Daisy知道呢個男人好愛好愛阿麗，所以佢選擇左自動退出。」