學堂沒有教我的東西: 學堂沒有教我的東西 5 盲俠聽聲劍

學堂沒有教我的東西 5      盲俠聽聲劍  佢一講呢句 我都心知不妙 但係真係無諗過之後會甘大鑊 果然 都未講完個..dy.. 班伙計又己經射左啦   射。。係無問題既 個問題係有無諗過有伙計係你個*火網前面呢 仲要我同度玻璃門

只係相距10cm. 我絕對有理由相信後面班友仔係對住我個頭頂黎瞄
因為除左極少部份可以通過門縫射到出去， 有40%都係我面前既玻璃門上面 剩番過d 就係哂前面我地呢班人個頭度。 更加吾好彩係我仲要入左眼。 呢舖大鑊！
係戰場上 失去視力既結果 絕對同死無分別 因為好多時你吾係比敵人殺死 而係自亂陣腳死 警察都係人  d人成日話" 你地吾係train過既咩?" 其實.....真係無train甘多野. train得既都係基本中既

基本. 而家呢個時勢  邊有甘多resources比你? 所以, 如果你天賦吾係特別高, 反應吾係特別強, 有起事上黎, 顧得掂你自己已經好好. 學堂無教既野實在太多.  
所以, 當比oc  form入眼個刻 我已經知我同死神好近 我下意識地一搓 火辣既感覺快速由眼部擴散到半邊面 汗水既鹽份 同噴霧既化學反應 好似中左痕粉甘 順住半邊面一路燒落去. 係, 無錯,
出汗係其中一個令到胡椒噴霧產生作用既客觀條件. 係無水源, 無得後退, 叫左都無人理你既三無情況下, 我就好似主演盲俠聽聲劍既勝新太郎一樣, 個頭擰下 擰下 但心入面諗緊點應對.....
係呢一刻 我隱約聽到有人叫 “頂住呀， 76. 後面換哂**韓國仔ready 架啦“。 一聽到個下， 原本想鬆開既手立刻頂番實。 




係戰場上， 當雙方呈膠著狀態， 無野好得過有人話比你聽後面有援軍黎緊。因為係心理上， 會對前面既人產生正面既心理補償。 果然， 30秒後， 右邊有人拉住我話，“ 走啦， 76, PTU

handover 左啦“。跟住， 我就好似一個盲人扶住支盲公竹，一路後退。
題外話， 點解盲公要揸竹， 吾揸棍，吾揸槍呢? 大家可能覺得無咩所謂， 人講我講囉，但係對我黎講，呢個就係中國人對萬物特性應用既最皆例子， 原因係，竹，係空心既，當竹敲向

物件時，物件既震動會經竹身既彈性回傳到盲人手中， 而空心既竹 回傳震動既變化最少，可以令到持竹者知道物件既距離，大小，軟硬 。
 
 
*火網--- firegrid, 意思即火力覆蓋範圍。 
**韓國仔 --- 行內人對防暴裝的稱呼