學堂沒有教我的東西: 學堂沒有教我的東西 6 大隱隱於市

學堂沒有教我的東西 6  大隱隱於市  係保安室既一角， 清洗完成頭oc form既我， 望住手機上既現場直播。 經過個幾鐘既擾攘， 終於有上大人下令擴張防守線， 迫集會人士退開至玻璃門外20米。 並開始另一場既拉据戰。 畫面上見到集會人士採用一貫既手拉手靜坐方式。 以不反抗， 不離開既方法去抗議。 而呢一種靜坐既結果， 最後一定係以清場作結。  “好d啦?“ 對面既同隊細鬼問。“好好多. 最少十年吾使食辣椒。“我話。“有無話幾點清場?“ 我再問。“學堂既戰術教官已經*turnout哂，應該係呢一兩個鐘頭既事“.“教官都要黎?“ 我不經意甘問。 但係心入面一個人影慢慢出現。  今日係學堂訓練第13週， 一身*PT kit 既我， 係體育館內聽著今日既訓練內容。 面前既係一個5呎5吾夠 皮膚黝黑， 體重吾過140lbs既中年男人“我係你地既體能教官, 你只可以叫我鐘sir, 你叫我阿sir, 鐘先生，或者教官， 我係吾會理你既， understand?!""yes sir!" 30人一齊嗌既氣勢真係吾同d.“今日教你地遇抗控制，有無人可以答我， 咩係遇抗控制?“ 鍾sir以一副專家既口吻問。“遇到反抗時候既控制！“ 我身邊既74搶答。“岩一半......另一半係以最少既動作去控制最大既反抗....作為獎勵， 你可以有一次練習既機會“ 鍾sir 眼鏡下既目光一轉。“吾洗啦...“ 74雖然大隻 但其實細膽到訓覺都要開燈既。“吾洗?....市民叫你幫手你又話吾洗? “ 鍾sir眼神再轉， 目光中彌漫住點點威嚇。“ye....s si...r." 硬著頭皮74起身行出去。   一行出去， 74既身型優勢表露無遺， 5呎8, 170磅既身型， 企埋鍾sir 度， 簡直係大隻佬同老人家既分別。“身為警察， 經常會遇到不合作既市民， 當對方作出不合理行為，而你要執行職務時， 就好可能會遇到以下情況“ 鍾sir 一路講 一路已經行埋74度。“先生， 請你冷靜d, “ 鍾sir以一貫警察口吻話。但我見住佢雙手， 其實係講野既同時， 已搭住左74既左邊。 以我既武術知識話我知， 74既重心，已經比鍾sir控制左。果然， 74嘗試掙脫左邊既控制，可惜， 鍾sir一隻手穿過佢腰間， 係手背一用力，74成個人已經跪低左，手腕鎖完成。  *turnout--- 緊急出動，不在正常更份內之當值任務** PT kit--- physical training kit. 運動裝備