學堂沒有教我的東西: 學堂沒有教我的東西 7 臥虎藏龍

學堂沒有教我的東西 7    臥虎藏龍    一個最簡單既手腕鎖， 只要對方吾係對武術好有認識， 除非以力取勝， 否則， 係好難解既。因為手腕鎖係以你關節既活動方向為原則而加以壓制，現代叫關節壓制， 古代叫擒拿， 其實應該叫“擒法“ 先岩。針對既係關節活動，優點係以小幅度活動控制大幅運動。缺點係你必需要對關節變化有認識， 再加上大量練習，先會有機會係實戰應用， 所以通常都係靜態對抗（靜坐，靜臥）先會用到。而“拿法“則係對身體上既筋同穴位進行控制，要求對人體器官既進一步認知。而鍾sir 用既， 除左擒法外， 係接觸對手之間， 運用左*推手技術。引導左對方既力流。 所以， 大家只係睇到74比鍾sir制服既結果。而我，就睇到雙方交手既過程。 結論，鐘sir係有武術底子既。 74既慘叫聲令大家明白到呢個5呎5既教官表現出驚人既武力值。所有人包括我在內， 對鐘sir 既觀感立刻肅然起敬“我教你地既， 係手法， 只要肯練， 任何人都做到“ 我聽完之後， 心諗“係....不過你講少左要練幾多年啫“  呢個時候， 係保安室既細鬼拍一拍我膊頭，“我同班whtsapp我， 開始清場啦....." 我同細鬼兩個， 一齊走出保安室， 沿lobby 一路直出大堂， 由於防守線已經退出左立法會大樓， 大堂內彌漫著一種風雨前既平靜。 "呢個係警方既呼籲， 你地現在既地方， 係一處公眾地方， 而你地既集會， 係未經申請既， 請你地立刻停止活動，否則， 警方吾排除會使用武力". 場外既 **loud heiler不斷重覆呢段說話, 而眼利既我, 已經見到由韓國仔後面掩護上黎既一班戰術教官. 好明顯, 清場行動已經準備.而係場中心, 一班集會人士已經手撓手型成人鍊, 有部份想訓低之際, loud heiler既廣播停左, 接著而黎既, 係驚呼聱及吵鬧聲. 戰術教官同其他伙計正式清場! 觸目所見, 吾理集會人士點訓點坐都好, 當3-4個警察埋身拉你走, 你係無可能反抗既,  而當我目光遊走係各人員身上搜尋鍾sir時, 有幾個人引起左我既注意。 正確黎講係三個伙計。 佢地每次都行埋去正在清場既範圍， 之後又會好快甘消失， 再移向另一個清場範圍， 但係每次佢地一接近要清移走既人士， 無論幾嘈都好， 都好快靜落黎， 跟住比人抬走.  *推手 --- 太極中二人互動的練習方法, 目的是希望由接觸對方而得知對方意圖**loud heiler--- 大聲公