學堂沒有教我的東西: 學堂沒有教我的東西 21 秘密

學堂沒有教我的東西   21    秘密  離開地藏王廟， 我直接將架車駛入錦田， 係個度， 有我由細玩到大既沙煲兄弟， 蕭明。 佢雖然係一個車房仔， 但係佢絕對係一個有智慧既車房仔， 中五會考拎20分， 佢同屋企講，我吾想讀書啦， 我想做生意， 屋企人問甘你想做咩呢， 佢話車房。 屋企人睇死佢捱吾住， 同佢講， “得！你做到3年， 我打本比你開車房“ 諗住一頭半個月佢會知難而退， 點知佢真係做足3年， 仲比佢識到人係日本入水貨車返黎。 屋企人見佢都吾係玩玩下， 又真係打本比佢開車房。結果， 十年間，由一個身無分文既車房仔，變成錦田無人吾識既水貨車王。  而我， 就係佢中五個年， 第一個撑佢開車房既人， 估吾到一時戲言， 造就左一個奇績。 “搵得我， 即係大單野啦， 比*黑仔搞？定比有野吾方便出面?“ 蕭明第一句，就單刀直入。呢個係我欣賞佢既地方。 “我細路吾係度“ 我亦長驅直進。 “黑定白“ 佢第一時間係意外， 跟住已經一針見血甘問係黑道定白道既人。 "未肯定“ 我只知   手既身型， 背景卻一無所知。 “難搞..." 佢一邊吐煙一邊講。 “我諗要係度住幾日..." 我開始為我既未來打算。 屋企， 已經係一個吾安全既地方。 “上我度啦， 我屋企坐北向南， 風涼水冷，呢度點住得人， 係d黑鬼先鍾意住呢度“ 蕭明二話不說，就叫我去佢屋企。 “我比**狗咬緊， 怕麻煩你。“ 我始終都係吾想連累兄弟。 “妖，講呢d..." 蕭明比左個白眼我， 但係佢跟住就打左個電話。 “同d friend講左， 有野佢地會call 我...你架車我會擺埋， 你要用車出聲。轉頭我會叫個靚仔出去幫你搞d日用品， 你要咩同佢講。" 撈得車呢行，都吾係蠢既人, 而蕭明， 絕對係膽大心細。 “好“ 所謂大恩不言謝， 我同佢， 就係呢種關係。 一個鐘頭後, 我出現係錦田既一間新式村屋內, 我問蕭明借左間房, 確定鎖上後, 我將係神主牌內既木板小心放係檯上, 我並無將木板既事話比蕭明聽, 原因並吾係信佢吾過, 而係甘多年警察生涯話我知,  "***好奇殺死貓" 呢句英式諺語係無錯既.  有d野, 真係吾知好過知, 由其當你想保護身邊人時, 更加吾好話比對方聽, 因為對方係無義務去承受呢個秘密所帶黎既風險。 所以， 對於蕭明， 報答佢既最好方法， 就係盡量減低佢係我細路呢件事上既風險。 我望住手上既木板， 係強光之下可以見到， 前後兩面既木紋方向並不一致。 應該係兩層組成。 我拎出隨身既摺刀， 係旁邊嘗試一撓。 “啪“ 木板輕易一分為二。 並係中間跌左野出黎。 定神一望， 係條鎖匙！ 我心中一震， 竟然吾係記憶卡?  我仔細檢查兩塊木板， 確定無任何夾層之後， 我再將注意力轉移到鎖匙上。 鎖匙呈偏平狀， 匙面上有不同既坑紋， 但複習程度比我見過既任何一條鎖匙都多。如果係保險箱鎖匙， 可能係傳說中既****瑞士銀行先有。     *黑仔 --- 黑社會 **狗 --- 狗仔隊 ***好奇殺死貓   --- 好奇害死貓（Curiosity killed the cat）是英國的一句諺語，旨在警告不必要的調查或實驗帶來的危險，戒人們不要過分好奇，否則會給自己帶來傷害。對於「好奇害死貓」的一個不常見的答辯是「但滿足了就沒事（but, satisfaction brought it back）[1]」。這個諺語原來的形式，現已較少使用，是「Care killed the cat」。在本句中，「care」被當作「煩惱（worry）」或「悲傷（sorrow）」。 ****瑞士銀行 ---如果你要把錢存入“瑞士銀行”，恐怕找不到這麽一個地方。瑞士沒有一家銀行叫做“瑞士銀行”。日常中人們所說的“瑞士銀行”，只是對所有瑞士的銀行統稱。下面四家銀行是瑞士最有代表性的：瑞銀集團（UBS）、蘇黎世銀行（Swiss Zurich Bank）、瑞士信貸第一波士頓銀行（Credit Swiss First Boston Bank）和瑞士信貸(Credit Suisse)。