學堂沒有教我的東西: 學堂沒有教我的東西 22 危機

學堂沒有教我的東西   22  危機  調查方向先由保險箱入手， 係3日之內， 我去哂全香港既銀行開保險箱。  結果， 無一條鎖匙係同樣既， 結論， 一係吾係香港既保險箱， 或者根本吾係保險箱鎖匙！ 呢3日, 我係遺言信箱內收到各方好友既通知，  大意係：我協助一個國內逃犯逃獄， 結果逃犯死左， 而我見事敗， 畏罪潛逃...... 十個留言有九個都問我係邊， 好關心我， 想知有咩幫手......  古語云：男兒有淚不輕彈                                            衹因未到傷心處  我話：    朋友有難不輕訴                                           衹因未到交心時  個d打黎係甘問有無野幫手既， 我一概不理。反而叫我自己小心， 無話見面既先係真朋友。 就好似蕭明， 擺低條屋企鎖匙比我， 自己就走左去， 亦無再過問我既行蹤。 呢種朋友， 識到佢係我既褔氣， 諗到呢度， 我不禁摸一摸頸上， 廟祝比我既佛牌。 突然， 一種心驚膽跳既感覺閃過，我望出窗外， 外面既樹比風吹到搖擺不定.....我係電腦前， 打開天文台既網頁,  "本 港 地 區 今 晚 及 明 日 天 氣 預 測大 致 多 雲 ， 有 幾 陣 驟 雨 。 最 低 氣 溫 約 28 度 。 明 日 部 分 時 間 有 陽 光 ， 天 氣 炎 熱 ， 最 高 氣 溫 約 32 度 。 吹 和 緩 偏 南 風 。展 望 ： 隨 後 數 天 驟 雨 逐 漸 增 多 。"  望住天文台既網頁， 我心內既不安加劇， 潛意識話我知， 有事會發生。 我內心既不安，不斷增加， 望住天氣報告， 好似捉到d野，又捉吾緊既感覺令我更加煩燥。 我下意識想較大d個冷氣.... "......冷氣.........風.......向南.......樹....... " 我腦中閃過一個大膽結論， 大膽到我並無考慮結論的真確性。 而立刻， 我將房燈拍熄， 將檯上既保險箱鎖匙收起， 並立刻扒係地上...... 當我雙眼慢慢習慣黑暗， 寂靜中， 我只係聽到自已既心跳聲， 正當我覺得自己小題大做，想起身開燈之際...... 門縫外有影經過!!! 影既位置都好巧妙, 如果我無熄燈, 又無扒低, 根本無可能睇到! 我第一時間排除係蕭明, 以佢性格, 吾需要我房門外偷偷摸摸, 有野佢一定直接入黎.  排除門外人係舊明後， 我開始思考點樣走出呢個困局。  我大膽假設， 蕭明呢間屋， 坐北向南， 今晚天文台話吹和緩偏南風， 甘我窗外向北既樹，又點會吹到左搖右擺呢?  唯一可能性，係窗外已經有人，甘岩又比我係門口見到有影， 我立即歸納出我比人包圍呢個結論。 以經驗睇， 可以係3日內知道我住邊，  可以有人手係屋外同屋內部署， 仲可以甘靜入到我房門外，  絕對吾係烏合之眾。可以確定， 係專業既！ 既然係專業， 甘就要用專業既方法去處理。 好多人都會覺得， 專業既人一定係訓練有素， 零誤差， 一個打十個。其實並吾完全正確。 人， 始終係有惰性既， 重覆做一樣野一百次， 第一百次一定無第一次甘小心，  同樣， 亦都會陪養左一d習慣同偏好， 而呢種習慣同偏好，係同樣專業既人眼中，就係弱點喇。 最簡單例子， 識揸車既人， 一定知道入彎前收油，呢個道理， 但係你又問下身邊人， 有幾多人會甘做呢? 好多人會同你講，  “得啦，到時會用到就識啦“