學堂沒有教我的東西: 學堂沒有教我的東西  23 心理盲點

學堂沒有教我的東西   23   心理盲點   由我拍熄房燈，到扒係地下見到門外人影，大約過左三分鐘。 呢三分鐘都相信係我人生入面最長既三分鐘。 係呢段時間入面， 我留意到大約有4-5個影經過。 而我亦係呢幾分鐘內， 盡量改變房內既佈局， 因為對於呢一類專業人仕， 佢地係連整間屋既平面圖，甚至屋內傢俱擺位都一清二楚。 改變佈局， 就係令對方失去先機既第一步！ 呢一類所謂既室內戰，俗稱*CQB, 係每一個專業部隊都必修既項目。而當中既技巧， 有吾少可以係實際應用添。 相信有玩開War game 既人都聽過，**沖房， ***切餅呢d術語。 只要你係接觸槍械， 無可避免地你亦都必需知道呢d所謂既戰術。 我用“所謂“兩字並無貶義， 只係係戰場上， 越多既規則限制， 你既生存機會就越渺茫。 本應呢d規則係應該增加你既生存機率， 但當敵我相方都遵守呢d規則時， 邊個可以吾守規則反而可以企到最後。 情況就如擂臺冠軍不敵街邊爛仔一樣，輸，並不輸在身型， 技巧， 速度。 而係規矩。  所以， 師傅成日講： 知規矩才能守規矩守規矩才能越規矩  規矩既目的， 就係要你不守規矩， CQB入面, 有所謂SAS. 即係(S)urprise (A)ggression (S)peed,  而搶佔先機既第二步, 就係製造SUPRISE! 我將床上既被覆蓋住將凳, 跟住拎起手就掟出窗外~! 目的係攻其不備, 同時製造一個資訊混亂既時機.  窗外既人突然見有野破窗而出, 心理上會覺得係有人事敗逃走, 而用被包住既目的係, 不容許對方係第一時間辨別出係生物定死物. 從而引發出面同入面既人產生溝通混亂. 可以想像, 窗外既人會話: "有野破窗而出, 不能確定人或物件." 而門外既人一聽到呢個資訊, 亦被迫破門入房. 再一次， 我將門外既人由主動進攻，變成被迫爆門。 係專業既人眼中， 不能夠控制進攻節奏，其實， 已經輸左一半。 而我， 就係要製造呢種被動心態。 因為人， 係有惰性既， 當你係被動接收資訊時， 你就會產生倚賴， 倚賴你本身既訓練， 倚賴你本身既習慣，同埋， 倚賴你以為已經清楚既佈局！ 短短2秒, 門就已經被爆開, 我將會同素未謀面既敵人短兵相接....      *CQB --- CLOSE QUARTER BATTLE簡稱為CQB，即室內近距離戰鬥，是各國軍方及警方的突擊隊、反恐怖特種部隊等等特勤單位配合當今的環境需要發展出來的一種戰鬥技巧及戰術模式，以應付城市中不斷蔓延的恐怖活動、犯罪以及特種作戰的需要。這套戰鬥技巧和戰術與傳統的野戰、叢林作戰等完全不同，而且多應用在敵人指揮部、大樓、民居等室內環境，所以這種戰術稱為“室內近距離戰鬥”，但並不是所有在室內所發生的戰鬥都稱為CQB。 **沖房 --- 於室內要進入房間時 ***切餅 --- 或叫切角: 過門窗或轉角時,在缺乏折射鏡或偵查器材的情況下,切角是CQB中最常使用的偵查方  式。切角的原理就是利用雙方眼睛在轉角的視差角度,使特勤隊員能夠在不被敵人發現前確知對方位置。