學堂沒有教我的東西: 學堂沒有教我的東西 30 詳談

學堂沒有教我的東西   30    詳談

   

女人, 從來都係不理性, 難以理解既動物. 但係, 我既經驗話我知, 吾理性, 先係女人最可愛既地方. 當一個女人對你理性既時候, 男人, 往往都係慘敗收場, 同不知所措. 而angela, 正正就係理性地面對我既問題, 亦都因為太過理性, 我地並無好似一般情侶甘事後溫 馨, 而係各自沖左個涼, 之後, 佢話, "係車等你...." 30分鐘後, 我地已經坐係西沙茶座外, 食緊早餐, 一如以往, 我嘗試叫佢最愛既齋啡, "我戒左飲咖啡好耐" , angela 以一副平淡既口吻話. 自以為是， 就係一般男人死症既開始.... "sorry, 我以為你仲飲齋啡..."  我唯有擺出一個吾係我既錯既口氣。 “無同你一齊後， 我轉左飲奶茶， 無甘傷..."angela繼續語帶雙關。 回復理性既佢， 同床上面完全判若兩人， 同佢相處， 並吾係一味阿喻奉承可以解決問題。 “我細佬做臥底出左事， 警方懷疑佢比左d重要野我， 而家我係半個通輯犯“ 同女人爭論，係無意思既， 我將話題一轉， 直接講出我搵佢既原因。 “sorry....我吾知...." angela 一聽到， 語氣立刻放軟。 “我想係你度住幾日“ 面對angela, 我放低作為男人既尊嚴。 Angela並無出聲， 低頭飲緊杯奶茶。 “如果吾方便既，就算啦“ 我答。 作為我曾經既女人， 我欠佢既已經還吾清，我知佢無義務再幫我。 “點解搵我?“ angela 抬頭望住我問。 呢一句， 我知佢一定問我， 甚至乎我亦問過自己好多次， 可惜， 我諗吾到原因。 但係若果我答錯， 一定無得留低。 “我當時淨係諗起你...." 我選擇左一個我認為比較貼近事實， 而佢又想聽既答案。 “我似鍾無艷咩?“ angela 一聽到我既答案， 態度立即一轉。 明顯， 我答錯左。 “我無諗甘多.....如果你係鍾無艷， 我一定吾係齊宣王...."  我硬著頭皮， 盡最後既努力。 “點解？“angela並吾明白我回答中既伏線。 “因為我無甘好褔氣“ 我望住angela答。 Angela今日既一副太陽鏡，遮掩左佢雙眼。 但係佢揸住杯既手，明顯係我呢一句後一震。 我將angela對我既依戀， 係5句說話內引爆左， 淨低既係佢腦內既天人交戰....... 沈默並無持續太耐， 數分鐘後， angela已經穩定情緒， 並舉手埋單。 “等我黎..." 出於對佢既愧疚， 我主動要求埋單。 “你欠我既， 吾係呢樣...." Angela 一手拒絕我。 再一次食檸檬既感覺， 並吾好受，我知佢講既野， 我呢一世都還吾清..... ********人情， 從來都是生命中最輕和最重的東西**********