學堂沒有教我的東西   31   打算


  


Angela出生於一個有錢家庭, 爸爸係律師, 媽媽係鋼琴家, 15歲已經留學法國, 精通意,日,英,法四種語言。 21歲回流番香港, 正式掛牌做執業律師, 憑著爸爸既人脈, angela hung呢個名,係3年內已經係律師界無人不識。 正當大家以為佢會女承父業既時候, 佢突然放棄做律師, 選擇去英國讀dance performance, 仲走去跳polo dance, 背後既原因,係因為佢發現爸爸原來係有戀童既癖好。 係不能接受下, 佢唯有選擇避走英國, 同時接受心理冶療。 佢媽咪一心望女成龍, 突然見angela性情大變, 認為係自己管教無方, 憂傷之下服藥自殺。 係英國既angela知道呢個消息, 即時患上嚴重抑鬱,直至兩年後, 先續漸康復。係友人陪同下, 先番到香港。 佢爸爸知道佢肯番香港,為左佢身體著想, 即時係西貢買左間屋比佢, 可惜, 照angela所講, 佢自從24歲後, 無再見過佢爸爸。 而angela自己, 就開始左佢係香港既  dancer 生涯, 望住佢屋內既相, 大部份我都已經見過, 只有少部份係新加既, 相信係我離開佢之後影。 望住檯上既鎖匙, angela係臨走前講左句, “我未配鎖匙, 你用住先..." 呢句說話, 我聽到有2個意思, 1. 叫我去配鎖匙2. 叫我今晚收工去接佢 所以, 我接住問,“今晚收幾點, 我接你收工“ “我收11點...." Angela聽到, 發出個會心微笑, 之後就走左。 而我, 係呢個又熟悉又陌生既環境下, 千頭萬緒,每一樣野, 都令我諗起我同angela之前既生活。 我由褲袋拎出我細佬既鎖匙, 望住佢, 我重新組織下發生過既事。 蕭明既失蹤, 未見過既鎖匙, 專業部隊既突襲,一切既事件都令我好似置身夢境一樣, 唯一既分別, 就係我手上既鎖匙, 同埋掛住既佛牌。 係舉目無親既情況下, 我既選擇亦十分有限, 最後, 我選擇搵我大學時期既一個物理學教授, 希望佢可以幫到我。  
已有 0 人追稿