[有甜]故事發生係2012年，我叫林燁磊。: 第三章

作為一個血氣方剛，有感情既男人，有自信當然係識女仔。中學讀男女校既最大好處係學校入面通街都係女仔，鐘意大小小既師姐或者同級既可以滿足到你，鐘意細既又可以識下樓下Ｄ師妹，加上偉大既Mark Zuckerber整左（定唔知係抄左）個facebook返黎，要識一個女仔其實唔難。
 
我一向都覺得短頭髮對後生女仔黎講係一個挑戰，有氣質既話短髮會將妳既魅力散發得淋漓盡致，冇氣質既.....好喇衰野唔講，正題。係Sports Day見到對落個form有一個短頭髮既女仔，經我打探之下知道佢叫阿晴，一個好普通既女仔名，不過係當時既我眼中，佢絕對係與別不同。Last 一次陸運當然係會周圍搵人影相啦，我都唔例外，我仲要去搵阿晴，同佢講＂我就黎畢業喇，可唔可以同我影張相呀？＂佢笑一笑，冧死左我之後同我講，＂好呀＂。就係呢一張相，我搵到一個完美既理由去開我同佢facebook上面第一句對話。
 
我"Hi"
佢"你係...?"
我"早排Sports Day同你影過相, 就黎Grad個個呀"
佢"哦~原來係你, 哈哈估唔到你原來一早加左我facebook架wo!"
我"係呀, 開頭周圍加人呀嘛, 又咁唔岩俾我加到你咁囉!"
佢"喂晏D搵你, 我出去買D野 :) "