[有甜]故事發生係2012年，我叫林燁磊。: 第四章

就係咁，我同佢第一次既對話就完左。之後個幾個鐘我都回味緊佢當日既笑容，好甜。回味緊既時候，媽媽打黎叫我食自己，話今晚同呀婆個邊有d野傾。轉個頭就換件衫落去樓下食野。
 
食完野，作為一個識彈少少結他既偽文青，當然會扮下野行下書局睇下有冇靚女，又留意下時下d細路女鐘意睇咩書，當儲下話題呀嘛！呢個世界其實真係好細，愈大就愈明白，係客觀黎講呢樣野叫巧合，係主觀角度黎睇，叫做緣份，我係樓下間三聯見到阿晴一個人拎住本那些年係度睇個背頁。
 
我走上前，細細聲係佢耳仔邊講左句"喂, 本書講咩架?"
佢嚇一嚇之後話"喂我俾你嚇死喇衰野!" 你冇睇錯我亦肯定唔會打錯，佢的確係叫左我一聲衰野。
佢"咩你都會黎呢d地方架咩?" 頂，又係呢d廢話，我咪大大個企左係你面前，你話我會唔會？當然我冇咁講，我答左句
"係呀，冇咩做咪睇下書囉，不過有時我又好怕睇書架"
"點解呢?"
"因為我好容易會唔覺意代入左個角色之後抽唔返個人出黎, 將書入面既負面情緒擺左係自己心入面"


"哈哈, 你咁感性唔去寫故?" 佢講呢句既時候伸一伸左條脷出黎，個一個樣我到而家都記得。
 
無錯，呢一段感情好深刻，而我會打呢一個故，都係因為佢當時既一句說話，好似上面咁講，唔激得呀嘛。