"喂,不如我地請個大佬搞掂柏飛班粉腸好冇呀?"

"邊鼠搵到錢請大佬呀,傻架咩!"

"梗係唔係街市果班啦!我地學校呀,有個六年班好抽得果個呢!"

"奇雲?"

"係佢啦,搵佢幫手咪得囉!"





---------------

如事者,我地三個仔第日膽粗粗上去佢果班搵佢。

"唔…唔好意思,請問邊個係奇雲…?"我永遠都係做率先帶頭果個,因為佢兩條友仲淆過我。

跟著有個高高大大既身影行出黎。佢高我個半頭,仲高過大強,六年班果然係大份啲。佢愈行近埋黎,我地就愈縮,因為從未試過同大自己三年既學生講野。

"你地係…"





"雲哥…我…我叫做求東呀…係咁既…有啲事想請你幫幫手…"

我就將柏飛霸住大公既來龍去脈話俾佢知。小朋友吹水真係好叻,我都唔例外,所以我將柏飛既事跡加鹽加醋,有咁惡吹得咁惡。

"佢而家係邊?"睇黎奇雲都唔係好健談,一句起兩句止。而我就係鍾意佢咁既性格,自此之後都成日學佢既語氣。

"佢通常係"大公"同班飛仔一齊。"

"放學帶我去見佢。"





七隻字鏗鏘有力,不失半點霸氣。我地都好興奮,估唔到終於可以有擺脫班惡魔既一日!
已有 0 人追稿