見陳展甘願做狗公,只為搏嘉儀一笑;班長文又咁厚面皮,自己都不禁有小小酸澀。

"東仔,要唔要雞翼呀?"唯獨大強永遠都係對我咁好。果然兄弟如同手足。

我地食左個零鐘,陳展就時不時返埋黎食下,但係班長文就吹足咁耐。呀花都算好耐性啦。

另一邊爐就有班學生飲到醉醉地,笑聲愈黎愈大,在座80幾人都俾佢地既言行聚焦左一陣。不過都係冇咩大礙。

我地如常係度傾下計,食下野。呢個時候,有兩三個人企左起身,邊笑邊講"過去溝條菜返黎先"之類既說話。





我意識都唔對路,就望下佢地行去邊面。點知佢地真係行去呀花同班長文既方向!

"依?呢個咪呀班長?"

"你地想點呀?我話你知呀我老豆係呢頭好架勢呀你…" 話有未完班長文就俾佢車左一把! 班女仔見到就即刻尖叫同想逃跑,不過俾其餘兩條友制止左。

"我理得你老豆係李嘉城呀,咁威水你而家就用大哥大打俾你老豆吹雞!"佢踩住坐係地下既班長文隻手。

全場人都靜晒,得返班長文既喊聲同三條友既笑聲。






我知道,呢一刻大家都需要我。久違既爛仔交,終於有得打!

以前我地跟住奇雲去其他地方打交都係企下場,見到有人跌就執雞,有人背向你就一拳鐘落去。

今晚終於到我出頭天。

"大強,幫我拎舊炭,愈硬愈好。"

大強聽到我發落,就面露笑容咁幫我拎炭。睇黎佢都蠢蠢欲動。





我接過大強手上既炭,唔輕唔重,size岩岩好夠我放係後褲袋。我地企起身,在場所有人都望住我地。我緩步踏向班人既方去。另一邊既陳展都低調咁企在起身。

班人留意到我同大強既舉動,就開始對我地指罵。

"你地咪奇雲班卒仔?做咩?想搞事呀排骨仔?哈哈哈哈!"

"冇左奇雲你地咪又係病貓!垃圾!過黎打鳩我呀喂!哈哈哈!"睇黎佢對我完全冇大戒心,好極!

我行到佢面前停低。呢個時候我先見到,原來呀花對眼已經紅晒!楚楚可憐既樣貌令到我開始升溫。

身體有股熱流衝上腦袋,我無視條友不停咁篤我心口,右手係褲袋拎起木炭。

用盡奶力拉弓,整個動作就好似昔日奇雲響樽一般,劃破空氣,一野! 轟落去!!





啪一聲!木炭無缺地碎裂。

佢順聲倒地,悟住個頭大叫大嗌。估唔到我竟然可以咁重手!

隔離果兩條友都受寵若驚,退後數步。不過已經黎唔切,陳展同大強一早係佢地後面捕實,大腳掃低佢地落地。隨之而黎就係學到熟既猛踢。

我彎低腰,學奇雲既招牌微笑,好似死神一般,要抽走佢既靈魂。

我扯起佢既頭髮,笑住問

"我係病貓,咁你係咩?"

佢眼神流露出無數既驚惶,開始有淚花係眼眶。口都不斷震抖,好似一隻就黎俾獅子吞噬既小花鹿。

我睇見佢咁可憐,都唔忍心做下一步。俾著係奇雲,佢會用盡全力踢爆佢塊面,到不省人事先停手。只怪我太心軟。





我拋低佢個頭,冷冷咁講一句。

"奇雲走左,呢度就係我話事。"

"認住我,我叫求東。"我企返起身,掃乾淨隻手。陳展同大強都識趣地行黎我身後,一齊行返埋坐位。跟著就係無數既掌聲同歡呼,氣氛又靜局一瞬間轉到熱鬧返。

班長文即刻復活返。指派人執手尾,拖走果三條友去沙灘旁邊。

跟著就有幾位素未謀面既女仔踏單坐埋黎,借安全感做藉口傾計食野。

痛快!由爛仔搖身一變做左英雄既感覺!哼!!
已有 0 人追稿