我竟然忘了!!
 
 
我激動不知怎地就一手把手機丟了出去。(真的用力丟)
 
 
我根本不知小麥是哪個地方念書啊!我居然自己假設了一個地方出來。
 
 
笨蛋笨蛋笨蛋。


 
 
在我心裡暗罵自己一千次太笨後,問題還是在這裡啊。
 
 
我得解決這個難題。
 
 
收拾好心情,便去拾回手機,幸好落在沙發上,應該沒損壞。
 


 
如果壞了的話我更想殺了自己。
 
 
考慮了很久,我終於想到。
 
 
「哈哈……哈哈哈哈……因為學校去左旅行嘛。」
 
 


不知道這樣說她會不會相信。
 
 
「喔……原來去旅行……我都想去一次旅行。」
 
 
「你無去過旅行咩?」
 
 
「無啊……你都知道我屋企好似爭人一大筆債,邊有餘錢去旅行。」
 
 
「啊,係啊係啊,我一時忘記。」
 
 


「同埋近排工作好辛苦,有好多變態嗜好既客,你知道呢份工作要忍受狐臭味……」
 
 
下?
 
 
我沒有看錯吧?
 
 
「呃……妳……而家做咩工作?」
 
 
不會吧?
 
 


不會吧?
 
 
我在心裡祈禱,希望不要是我所想的!
 
 
 
「仲有咩工做,仍然都係訓係床既工作。」
 
 
不是吧!!
 
 
不知怎地,我有種激動得想哭出來的感覺。
 


 
「你點解要咁做?你仲咁後生!」
 
 
「我都唔知……你走左之後,我就不停買野……結果就……」
 
 
小麥!你這個混蛋,到底幹了什麼好事。
 
 
「我銀行就只有三萬蚊,雖然唔多,但可以比妳去還……唔好再做啦好嗎?」
 
 
這三萬塊錢是我每年暑期工的錢,一直沒有動過,今日總算大派用場。
 


 
「咁帳戶號碼同密碼?」她問。
 
 
呃?要來幹麼?
 
 
「XXXXXXXXXXXXXX。」我還是照樣說了。
 
 
隔了一段時間,她才回覆我。
 
 
「嘩!你係咪痴線架?」
 
 
「咩啊?密碼唔岩咩?」
 
 
「就係岩啊!你真係諗住比哂啲錢我架?」
 
 
「咁……你有需要嘛。」更何況是「我」連累妳這樣。
 
 
「痴線。」
 
 
「?」
 
 
「……你令我唔敢再玩啦。我而家宣佈你唔係壞人啦,因為蠢人係做唔到壞人。」
 
 
壞人?什麼壞人?
 
 
她何時把我當成壞人了?
 
 
為什麼我聽不明白的?
 
 
「點解我睇唔明……」
 
 
「因為你蠢。」
 
 
「我蠢?」
 
 
「你係好──蠢。」
 
 
「即係……點?」
 
 
「即係你唔洗再扮小麥。」
 
 
「你比個帳號人之前,有無諗過自己個名會顯示出黎?」
 
 
呃……
 
 
我的確沒想到。
 
 
「我仲知你特登走去睇我講套戲。」
 
 
「妳點樣知架?」
 
 
「因為根本無小麥呢個人。」
 
 
下?
 
 
下???
 
 
下?????????????????
 
 
我一時間完全不能接受她的說話。
 
 
 
「我唔係做你諗嗰啲,所以唔洗比錢我啦。」
 
 
「即係……你呃我?」
 
 
「um……係正常既邏輯理論上,無。至於係人倫道德上,都係無。」
 
 
「咁請問點係正常既邏輯理論及人倫道德上,妳係無講大話?」
 
 
「首先,小麥係一個虛構既人物。一個虛構既人物唔牽涉事實,我點設定佢,佢就係點架啦,咁自然無真假,無真假又何來呃你呢?呵呵。」
 
 
「其次,我講屋企係『好似』爭人錢,而做野好辛苦,客人多數又係大叔,我無講嗰個係我喎。」
 
 
「再加上,我話份工係訓係張床到,咁我正職的確係訓教嘛,我無呃你架。呢種最多只係叫誤導。」
 
 
「……」
 
 
我不知怎去形容那時的心情。
 
 
一方面我很混亂,一時未能消化她所說的,一方面我又很錯愕,原來她一直在誤導我,但一方面,我又很高興,因為她……沒有做那方面的事。三種合於其中好像上帝粒子在宇宙虛空無物無時間時一下子爆發那種衝擊爆炸!
 
 
啊!!!!!你明不明白我那時的心情?
 
 
算了,你不會懂的。
 
 
「你嬲啊?」
 
 
「做咩要呃我?」
 
 
「天真既小麥,你要知道,係你呃我先架。我只係問你係咪小麥。如果你講真話唔呃我,我都呃唔到你架嘛。」
 
 
「咁點解要設局……」
 
 
「正常有個人無啦啦入左你個ac?你都會想玩下佢啦係咪,不過我而家知道,你唔算壞,因為你太蠢。」
 
 
「我諗正常人應該係會驚,而有人入左你ac喎。」
 
 
「我都無野比你偷。」
 
 
說的也是。
 
 
 
 
「但你可唔可以講下點解你會入到我帳號,我真係想知。」
 
 
「我仲係接受唔到。」
 
 
「接受現實吧,天真既小麥。」
 
 
「我唔係小麥。」
 
 
「你係,你根本就係一隻麥兜。」
 
 
「咁你係麥嘜。」
 
 
聰明人的想法是否和正常人不一樣?
 
 
「你都未講點解你入到我ac?」
 
 
我跟她說了,我和她的帳戶名很巧合地幾乎一樣,
 
 
只是我在後面多了個1字。(原來是她用了),我
 
 
們又是巧合地貪方便將密碼相同設成跟帳戶一樣。
 
 
最後我忘記自己帳戶才誤進。
 
 
「咁真係好巧合喎。」我能幻想她在背後應該蠻驚訝。
 
 
「妳係咪真係信……」
 
「點解唔信?世界咁大,話無可能先無知。不過原來你都中意張愛玲?」
 
 
我們又從張愛玲開始聊起來。
 
 
從香港去巴西的時間要多久,距離有多遠?我不知道,只知道從張愛玲聊到學校的無聊事,再聊到電話的供應商的時間是兩小時。
 
 
「我都係用X!成日呃錢!」
 
 
「係啊,你要打去追問佢,佢成日都會收多人錢,好鬼陰濕!」
 
 
「嘩,原來傾左兩個鐘,已經兩點啦。」
 
 
「早啲訓啦。」
 
 
「晚安啦,陳偉仁。」
 
 
「妳點知我個名?」
 
 
「都話你個銀行帳號囉……呵呵。」
 
 
……
 













 
*她是一個很聰明的女孩,而我也一直被她牽著走,一直。