在Instagram談一場戀愛: 第三十八章

九月二十二日，就在Krystal離開香港滿一星期後，學聯因不滿人大對普選的限制，正式發動為期一星期的罷課。
 
 
在這前一天，我接到一通的電話。
 
 
一個久違的電話號碼。
 
 
「偉仁？」


 
 
「係……」
 
 
「你會唔會去？」
 
 
「去邊？……你指罷課？」
 


 
「嗯。」
 
 
「應該會啊。」我也不明白為何會答應該，我的確有打算去。
 
 
「咁不如十二點中大嗰到等？」
 
 


「好。」
 
 
整段對話很平平無奇，沒有什麼特別內容，卻意義重大，也讓藏在我心裡的大石終於能放下。
 
 
原因那是信義打來的。
 
 
他肯打給我，證明他應該原諒了我吧？
 
 
我再打電話給小寶，約她一起去罷課。
 
 


先前她跟信義也說過會參加佔中，我相信這一次她也會去吧。
 
 
「你所打既電話，暫時未能接通……」
 
 
奇怪，她到底搞什麼？
 
 
Whatapps也顯示她已經有一段時間沒有上線。
 
 
沒法子，我唯有先留言給她。
 
 


「小寶，你係咪會去架，我聽日係約十二點中大等啊。」
 
 
第二天，她也沒有回應。
 
 
罷課開始的當日，學聯在中大的百萬大道舉行罷課宣言，我跟信義在十二點就到了。
 
 
感覺好像已經很久沒有見過他了。
 
 
剛和好的重遇都是帶一點尷尬的。
 
 


「hello。」
 
 
「等左好耐？」
 
 
「一陣咁啦。」
 
 
「好彩有我，如果唔係你一定盪失路。」
 
 
「你就盪失路，我咁醒。」
 
 


「醒，唔知邊個半夜係大嶼山迷路？」
 
 
「你又知既……」
 
 
我們又在互相嘲諷，好像回到最初的友誼一樣。
 
 
男生就是要這樣嘛。
 
 
不過有一點信義說得對，沒有他我真的會迷路。
 
 
雖然我們都不是中大生，可是他卻對這裡的路很熟悉，瞭若指掌一般。
 
 
這讓我有點驚奇。
 
 
他看得出我的疑問，靦腆的笑著說：「樂瞳佢係讀中大。」
 
 
「喔……」我一副終於明白的樣子。
 
 
「佢同我講左啦。」
 
 
「講左咩？」
 
 
「你去搵佢傾我地既事。」
 
 
我有點擔心的留意他問：「你……無嬲嘛。」
 
 
「無，其實上次嗰件事根本係我小氣……對唔住，我都唔知點解我會變成咁，可能真係太驚，就會對任何野都起疑心。」
 
 
「你無嬲就好。」我舒一口氣。
 
 
他笑笑說：「你幫我，點解我仲要嬲你。反而係，你會唔會原諒我？」
 
 
「邊有咁易……」我一拳打去他的肩膀。
 
 
「咁樣當無數啦。」我說。
 
 
 
「所以你地而家好返？」
 
 
看他一臉幸福的在咧嘴而笑就知道什麼事。
 
 
「佢黎搵我，我地傾左好耐，亦又嘈左一大輪，最後喊左好耐好耐後，大家就原諒左大家。」
 
 
「佢而家將Instagram既帳號同密碼比左我，其實我有話過唔洗，不過佢話等我對佢有返多啲信心先。」
 
 
「嘩，咁好？」這一刻我又想起Krystal。
 
 
「而家IG大部分都係我同佢既合照。」他笑說。
 
 
「又曬恩愛。」
 
 
我打開了Instagram，看看krystal有沒有上載旅行的相片到那裡去。
 
 
奇怪的是新加坡的相片沒有，卻有幾張的古怪圖片。
 
 

 
 

 
 
 
到了百萬大道，由於未到約定時間，人數不算多。
 
 
「我地會唔會太串，開學第一日就罷課。」我問。
 
 
信義聳聳背，還有兩個多小時，我們只好四處逛一逛。
 
 
「樂瞳呢？」
 
 
「佢話同人返母校派宣傳單張。」
 
 
「咁你知唔知小寶去左邊？呢排搵唔到佢。」信義應該會知道吧。
 
 
信義瞧著我，眼神有點古怪。
 
 
「做咩？」
 
 
良久，他終於開口問：「你係咪同左Krystal一齊？」
 
 
「係啊……你又知既？」
 
 
他一言不發的，不知在幹什麼。
 
 
「做咩？」我問。