今日去代課飛左隻麻雀入課室，出左好大件事: 14

我唔知識唔識串校長既英文會點
而目前要解決既問題係禮堂既窗已經裂左
一陣D麻雀食飽，返黎有氣有力，要撞爆個窗唔難架



我即刻問校長:「一陣放完午餐，D麻雀返到黎既時候點算」

校長 : 「係時候...係時候作出一個交代」





「即係點呀」

校長堅決 :「今日放學前，我會承擔返!」




「鏗!」









「鏗!」「鏗!」「鏗!」「鏗!」「鏗!」「鏗!」「鏗!」
大件事!D麻雀食飽晒，又返黎鏗窗


校長馬上拎起個咪
「所有同學即刻集中坐係禮堂中心，高年班同學讓低年班同學坐凳」






我見到D學生開始驚，有D仲開始喊，但有部份學生笑笑口
佢地一定覺得好好玩，好刺激，而家唔係玩呀!!
就黎比D麻雀攻入黎喇!


我望向窗口，見到麻雀既數量仲多過放午餐前
原來早上果D係FULL TIME麻雀，下午仲要加埋PART TIME麻雀幫手
D麻雀數量太多，密到個窗已經無晒空間
同時，我發現每一隻麻雀都擔住本好似係小冊子既野



突然，我感覺到褲袋部手機比人拉左出黎
係校長，佢蠟左我部手機





「借部手機比我播歌，唔可以比D學生再驚落去!」


佢拎我部手機駁左落禮堂喇叭，推盡左個音響







「唔撚食明將呀!」








洗唔洗咁大聲!
佢播左我D通訊錄音呀!你識唔識揀歌架校長!


「等我黎!」我即刻衝過去揀返D歌黎播












「拍!」「拍!」「拍!」
係拍翼聲!頂唔到喇!個窗已經穿左!
點解岩岩食漢堡果時唔封多層膠紙呀!


D麻雀陸陸續續由一個破洞捐入禮堂，再係禮堂上空盤旋
而佢地亦都放口，口中一直擔住既小冊子隨即趺落禮堂之中