今日去代課飛左隻麻雀入課室，出左好大件事: 15

成個禮堂上空都係麻雀
我咁大個人，只係見過麻鷹盤旋，從未見過麻雀盤旋...
我印象中既麻雀都係彈下彈下，行近佢地兩步就飛走既淆底烏類
而我估計，佢地掉出黎既小冊子有一百幾十本..




「洗唔洗阻止佢地拎黎睇?」我連忙問校長





「由佢地睇，你都睇」校長隨手執左一本遞比我






我打開本冊子
原來..係漫畫






內容竟然係一個小男孩同一個小女孩發生口角
係一個學術性討論


女 :「PRINCIPAL係串P R I N C I P A L呀!」
男 :「校長係PRINCIPLE呀!係LE呀!」
女 :「你點證明係LE呀!」
男 :「我見過呢個字!」
女 :「我夠見過PRINCIPAL啦!」




男 :「你點證明你個AL係岩呀!」



然後本書出現左兩格黑格，睇黎呢兩格就係關鍵!
而漫畫既最後一格，係個女既跑左出門口..




水落石出!
唔洗審都知個男既係校長...

校長突然拎起個咪 :「各位老師，請你地留係度照顧所有同學」







然後，校長轉身望住我 :「幫我搵一隻裝左針孔攝錄機既麻雀!」




有無再難D!!
D麻雀已經細隻，仲要搵粒針孔攝錄機...





我望向天花，係混亂既天花之中




我見到一隻特別搶眼既麻雀
到底佢係幾時飛入黎!!



佢既肌肉特別結實，仲見到佢麻雀雖小，六舊腹肌




而最明顯既係，佢身上掛左部專業既高清攝影機