落街打羽毛球慘被活力阿婆扣殺，心情好低落: 23

返工要做既野都係手板眼見功夫，仲有一餐免費野食
忙完晚餐時段之後
開始有空閒時間比我諗野

我腦海不斷重複段片果個男人既一句說話
「咁多年黎，我個心一直都唔好過」
「咁多年黎，我個心一直都唔好過」 ...........


對住四眼妹，唔好話咁多年..


只係幾日，我個心都絕對唔好受

我唔要同四眼妹有遺憾，果個男人有勇氣拍片交待，我都要有
我要盡力..


放工後，我去左附近既體育館，係服務台前指一指個月曆
「唔該，我想租呢一日5點至7點既羽毛球場」




返屋企沖個涼之後，我入房坐低打比四眼妹

「喂」

「喂」四眼妹應機

我吸一口氣
「 你可唔可黎睇我比賽?」




「你果個級別既學界唔係打完喇咩?」
四眼妹語氣正常

但，對住我語氣正常就即係唔正常..

諗到果日場比賽，我鼻一酸
「未打完....」

四眼妹沉默左一陣..
我問 :「點?」

「盡量，你再話我知幾時同邊度啦，我溫書先」

佢話口未完，我鼓起最大勇氣講
「我一定會成為保護到你同對得住自己既男人!」




「嘟.............................」電話傳來冰冷既「嘟」
我唔知四眼妹聽唔聽到呢句....


我灰到一野中左落張書台度..「砰!」

屌..好撚痛!


「有無事呀?」
此時，我聽到一把溫柔既聲線

我抬頭一望，係奪目阿婆




佢微笑問我 :「中下中下，等到好眼訓呀?」