「應該都無人黎架喇,你一定要今日打波呀?」阿婆問

「係」我肯定回應

阿婆企左起身 :「係度等我一陣啦」

吩咐完我係度等佢之後,佢轉身走左
我望住佢行返去商場既方向




而家成個場得我一條友..
又係空閒既時間,又係比我諗野既時機
我回想起果次打完電話比四眼妹之後
我既生活就係返學放學,返工放工
而做飲食業既著數係晚餐唔洗自己比,仲有人工收


係呢段日子,我無再打比四眼妹,我亦都好少撞到佢
就算見到都係偷偷地係附近望住佢,無上前叫佢
不過,我就會因為偷望到一次而滿足成日,果日返工會特別有能量


記得有一日落樓梯時,我第一次見到四眼妹係放學時間換返運動衫
仲見住佢跑左去操場
但我趕時間返工,無得慢慢睇佢去操場做咩


雖然而家好似同一學校,兩個世界..
但我會盡力,我會接通返呢兩個世界
等我,四眼妹..
仲差一步,行多一步我就可以打多次電話你