抉擇: 第八章 友情？

第八章 友情？ 友共情 不變 那種真找不到缺點 你我再次相見
    呢排其實我陪佢既時間其實多左好多，我地既感情亦都邁進左一大步，有時候我地小息個陣會一齊座系小食部附近個張圓台到傾下計吹下水，傾下補習d野甘，有時候我地放學又會一齊做功課一齊溫書，感覺我地兩個好似已經一齊左甘
    系學校其實我地都叫幾出名，你知啦，話曬都叫校花校草，當然會惹來d師弟妹既閒言閒語，比人話正常黎講都唔會開心架啦，不過今次我好受落，我享受同佢宜家呢種曖昧既關係，好中意呢種比其他人誤會既感覺，明明其實我地宜家唔係拍緊拖
    但系就系我同佢日日都好開心傾計個陣，我發現我同音音同俊相處既時間少左好多，甚至可能連感情同熟悉既程度都大不如前，以前我地三個好似糖痴豆甘，你見到我既時候，隔離一定會有音音同俊既存在，宜家就算系個WhatsApp group都無人再講野，宜家翻學，一個禮拜入面有一半既日子我都系同希翻，另外一半會同佢地，但係我都無再好似以前甘多野講，唔知系米因為我心裡面的佢，每時每刻都諗住佢，結果好似同佢地隔住一道gap甘，而呢個gap既闊度系永遠無法跨過
    我唔知到點解會搞成甘，系因為我地變左，定系我地都變左，唔知系米我錯覺，每次我同音音同俊翻學個陣，除左我少左講野，音音都好似少左講野，佢無好似以前甘乜野都講一餐，甚至有時佢淨系掛住覆WhatsApp，我唔知點解其實我次次都有個衝動想知佢同邊個WhatsApp，我知一定系男仔，因為佢一路睇一路笑，仲要系笑得好甜個隻
    我突然系到諗，呢個世界上有無可以並存既時刻，愛情，友情，親情同時並存，我覺得有，不過難，因為你人就得一個，時間有系得甘多，你選擇左任何一方，最終就會同另外兩方疏遠，例如你個個weekend都同frd出街，系屋企陪屋企人既機會就少左
    世界唯一一樣唔可以並存既感情，就係愛情同愛情，系愛情既世界裡面，勝利既只有兩個人，唔會有第三個人既出現，如果系同一段愛情裡面1出現三個勝者，呢段感情絕對唔系勝利，只系另一個既失敗
    系我諗緊呢d野既同時我好清楚自己心裡面絕對唔想失去是但一方，但好明顯我宜家做緊既野就系選擇愛情，而放棄友情，我系呢一刻決定要做d野，至少我認為我宜家仍然有能力去挽留呢段友情，系period 7 and 8，我同俊同音音講話
    『不如放學去甜甜屋食糖水啦 我都有好幾個禮拜無去啦』
    俊『我okay啊 放學都無乜野做』


    『音 你呢』
    音『我啊媽唔中意我放學hea甘耐先 翻屋企 佢尋晚先話完我 叫我今日準時 翻去』
    唔知系米又系我錯覺，我覺得音音除左呢排有心事之外，仲好似避緊我同啊俊，個日翻學系甘，之後好幾次都系話有事唔得閒，以前佢通常都系主動提出activity個個，有乜野活動又系一馬當先話要去個個，宜家好似發生左d野改變曬甘
    我開始有d擔心佢，我好想知究竟發生乜野事，話曬我地系best frd，朋友系應該赴湯蹈火在所不辭，我決定左今晚問下佢發生乜野事