抉擇: 第九章 愛情？

第九章 愛情？仍是每晚也在意 望你再示意 還是愛根本要自私
     我諗其實我同希宜家叫做系曖昧關係吧？又一齊翻學，又一齊溫書，我估佢對我都應該有d好感掛，有時候我會系WhatsApp同佢講掛住佢，佢次次都會話我都掛住你喔xdxd，我諗如果我宜家同佢表白，佢九成九都會say yes，不過我都系想等DSE完左之後，第一唔想因為拍拖而影響左佢學業，第二唔想因為拍拖影響左自己學業，其實同佢開始熟左之後我認真左好多讀書，因為我認為我一定會同佢一齊，所以我宜家努力d讀書，入大學搵好工，無理由要佢同我一齊挨苦姐
    不過宜家唔係諗呢d既時候，音音宜家應該仲系心情唔好，好需要人陪，本來諗住WhatsApp佢，不過我覺得如果要傾心事電話會更好，當然面對面會系最好，不過宜家夜晚無可能出到街搵佢啦，我啊媽比出，佢阿媽啊爸都唔會比佢自己一個女仔夜媽媽同個男仔出街啦，雖然佢父母都識我見過我知我系邊個，但系都一樣姐
    嘟…嘟…嘟…
    音『喂 搵邊位？』
    因為我打去佢屋企，所以無來電顯示
    『系我啊』
    音『咦？』
    佢把聲有d驚訝有d詫異，都正常既，其實我識左佢甘耐都未試過打去佢屋企，更加未試過夜晚打比佢，其實我系因為諗住可能有排傾，打佢屋企好似好d，因為佢通常夜晚呢個時候部電話都無乜野電剩，如果打佢手提，十分鐘後就應該會無電斷線
    音『做乜野甘夜打黎既？』


    『我其實見到你呢排好似心情唔係幾好 情緒有d低落 打過黎諗住問下你有無事 諗住陪下你傾下計吹下水甘羅』
    音『原來你仲記得我架 我以為你淨系記得你個希希tim』
    『下 你唔係呷醋啊嘛？』
    我用一個講笑既tone甘問啦，點知到既答案唔係唔係
    音『系啊 我好呷醋 我日日望到你兩個系到依泣 好想喊』
    我唔知究竟佢系敷衍緊我定系講真，我呢一刻唔係我分得到
    『乜野依泣啊 講得甘難聽 甘我都唔係無陪你啊 一個禮拜都有兩三日同你同啊俊翻學啊 系你成日掛住玩電話WhatsApp 人唔講野姐嘛 話時話你究竟同邊個WhatsApp？』
    音『唔話你知wor 你米又系一樣 我玩電話個陣你都系同緊你個希希WhatsApp姐嘛 有口話人無口話自己』
    『甘我地一向都best friend黎架嘛 你都知我有中四開始就已經對佢有好甘架啦 難得宜家有機會我當然系陪佢多d 所以同你同俊一齊既時間少左姐嘛 我地仲系best friend黎架 宜家系 以後都系？』
    音『甘如果我話我唔再想同你左friend呢？』


    佢呢句說話真系嚇親我，我地由中一開始已經系best friend，都未鬧過交，點知今次叫做第一次鬧交就會搞成甘，我萬萬估唔到佢居然會彈左句甘既野出黎，我當時個腦一片空白我知點應好
    『er…er…你系講少定點啊 我唔係好分到』
    就係我講完呢句既時候，我聽到電話既另一邊好似傳來d哭泣聲
    『喂喂喂 音音 你系米喊緊啊 唔好嚇我啊』
    過多幾秒之後，咔嚓一聲佢cut左我線，我再打去既時候就只系打唔通
    『你所打既電話暫時未能接通 請你遲d再打過黎啦 the number you have called…』