第十一章 心意 我站在你左側 卻像隔著銀河 難道就真的抱著遺憾一直到老了
  佢仲系不停甘喊,我地維持左甘既姿勢差唔多成五分鐘,我聽到系我地後面側面行過既人不計其數,我仲知道如果佢地唔係低頭族搞緊電話的話肯定系望緊我地,但系我無理到佢地,我甚至合埋眼無望任何人,我用我全身去感受音音既體溫,用我全副既心思去諗點解佢唔開心點解佢喊,就系甘過左五分鐘佢無再好似開始甘喊得甘犀利
    音『你放手啦 我喊完啦』
    佢講個陣有氣無力,最重要既系佢把聲變翻好冷淡,好似佢成個人都系冰做甘,呢句野之中唔包含任何感情,只係簡簡單單既一句叫我放手
    『系你未講我知乜野事之前我系絕對唔會放手架』
    我其實有d後悔我講左呢句,因為我一講完呢句,佢又再一次係到喊,我諗到宜家其實距離遲到既時間不遠,我地仲要連車都未上,今日遲到系少不免架啦,比『大聲啊嬸』『開咪』呼喝更加系比無可避
    呢個時候既我只可以用不知所措黎形容,tum女仔本來已經唔係我既強項,宜家仲要系大庭廣眾,仲要一個喊住既女仔系懷中,係人都會覺得系我整喊佢,甘事實又真系我整到佢喊既
    『音音 你有做乜野喊啊』
    佢今次除左喊之外,成身仲震得好犀利,我唔知點解我有個感覺系佢有開心又嬲甘,因為我聽過有個term叫做嬲到震,唔知系米就好似宜家甘
    『唔好喊啦 究竟做乜野 話我知啦』


    佢今次再唔係好冷淡甘講野,亦都唔係個一把溫柔到極點既聲,佢今次系勁激動甘講
    音『講講講 唔通我中意你又要同你講 系米想你關心又要同你講 系米想你著緊我多d又要同你講 系米呷醋有要同你講 宜家系米乜野都要同你講啊宜家啊 系米我要 求下你黎中意我啊 我知你由中四個一年就中意個個希希 甘我呢 我又中二開始中意到你宜家啦 你系米想我做主動表白個個啊 你系米甘蠢一路都發覺唔到啊 甘你宜家同佢甘frd你叫我同你講乜野好wor 嗚…嗚…』
    講到呢到佢繼續喊,但係把聲已經開始無甘激動,反而系越喊越淒慘,差唔多一句野裡面有一半都系夾雜住d喊聲搞到唔係聽得好清楚
    『其實我一路見你兩個成日一齊食lunch 一齊放學溫書 一齊傾計 一齊笑 我個心好難過 我好想第一個就講比你聽想你關心我tum下我 但係我唔想你可憐我 我知你個人唔識拒絕人 如果我話我中意你 你知你肯定會話好 但我唔想甘 我想你有一日會主動話中意我 主動同我表白 主動問我可唔可以做我男朋友』
    我呢一刻真系唔知講乜野好,由中一起我地已經系best friend,除左一開始識佢個陣有諗下第日有無機會可能一齊之外,之後完全都無考慮過呢個問題,一直當佢系兄弟既我完全發現唔到音音呢個少女既心事,其實宜家諗翻起都好明顯,系lunch個陣我同希希傾計,佢一粒聲都無出過,我以為佢心情唔好,只係萬估唔到原來佢唔開心既原因系因為我,其實之後都有幾次其實好明顯系佢特登避開我,唔想見到我同希希一齊,所以搵藉口放飛機,宜家諗翻起所有野都變得好合理,以前唔明白佢做乜野前排唔開心好似故意避我原因亦都好明顯
已有 0 人追稿