抉擇: 第十章 沉思

第十章 沉思 一個擁抱能代替所有 愛絕對能夠動搖我
  同音音傾完電話之後我成晚都訓唔著，我望住我間房乜野都無既天花版，一路系到諗究竟我做錯d乜野，搞到佢嬲到連friend都無得做，我有時真系唔係好知女仔究竟諗乜野，可能因為系甘所以其實到宜家我都系拍過三次拖，重要系次次都系個女仔做主動，基本上我都對以前個d感情無乜野點付出過，都系當拍下散拖甘，我個人有個唔係幾好既地方，就系唔係好識拒絕人，儘管其實自己唔想，但係又唔想hurt到人就勉為其難say yes，其實我除左個樣生得『試正』d之外，認真追女仔既手段絕對系初學者都不如，可能因為甘，我以前d女朋友都頂唔順我呢d甘悶既人，最後就主動提出分手，個陣細個覺得好搞笑，我心諗又系你話想一齊既，宜家又話想分開，不過我都唔係好有所謂，反正我又唔係真正中意個女仔，又唔係愛到佢要生要死既地步
    我望住個天花板諗左好耐，我以為系因為我陪佢少左啦，但係應該唔係啊，我地暑假個陣各有個忙都系甘啦，都好少陪對方但係開學個陣都好地地，我發現佢變既時候正系我同希希開始熟絡既時候，所以我既結論就係佢唔開心系同希希有關，為左確認呢一點我一朝起身就再WhatsApp音音
    『你今日陪我翻學得唔得啊』
    音『都得既 你唔勢陪佢咩？』
    『我約左佢幾日之後啊 你得唔得閒姐』
    音『都得既 甘我whatsapp啊俊啦』
    『唔好whatsapp阿俊 我想同你兩個人翻 我d野想問下你』
    音『喔好啦甘 陣間見』
    我系地鐵站見到佢，第一句就問佢


    『你無事啊嘛？』
    我果然無估錯，我見到佢隻眼腫左好多，肯定尋晚喊得好勁定啦，眼袋周圍仲紅紅地，佢無以前甘精神，無以前甘笑口常開一見到就用好燦爛既笑容講早晨，而更慘既就系我，我既關心換黎既系佢一句冷淡既
    音『無』
    『我想問你唔開心 你嬲系米同希希有關』
    佢無答到，佢dup低個頭，一句野都無講到，佢個一pat齊陰姐住曬差唔多成個樣，因為佢dup低左個頭同埋d陰，我唔知佢宜家乜野樣乜野表情，系呢個時候我見到佢個膊頭開始抽搐我就佢開始喊
    系呢個時候我無理到地鐵站裡面有無人系隔離，有無人望住，我系呢一刻系無遲疑既情況下，攬住佢，佢無掙扎只系不停甘喊，我聽到佢好微弱既哭泣聲，我聽到佢一路甘喊我好心痛，我唔知可以點，我只可以默默甘樣攬實佢，希望佢知道呢到仲有個人關心佢，佢每抽搐一下，我就加強一分力度攬實佢，其實我唔係特登，不過聽到佢喊成甘，我情緒都系激動，所以越攬越實
    音『你唔好攬甘實啦 我抖唔到氣啦』
    佢用個一把好溫柔好有慈性既聲甘講，我鬆左一鬆，但依然攬實左佢，佢之手本來垂低左，我兩隻手系外圍抱住佢，但佢呢一刻突然都屈起隻手攬住左我條腰，之後側埋個頭挨左落我個心口到，佢靠左落我個心口到，系呢一刻我直程可以感受到我自己既心跳同佢既體溫
    音『你好暖啊』
    佢好細聲 ，其實我諗佢唔係講比我聽，只系佢自己同自己講野，不過我地由於靠的太近既關係我好勉強甘聽到