抉擇: 第十四章 兩船

第十四章 兩船 你不在 當我最需要愛 你卻不在
     (變翻生生既角度)
    宜家真系亂到乜野甘，我宜家啊真系個腦一片空白，唔知應該點做，今日實在發生左太多事，我已經攰到行唔到甘制，一番到屋企我就攤左系張床到，塊面訓左系個枕頭上面，系呢個時候我聽到系廳既收音機播緊一首廣東話歌，好熟，究竟系邊個唱，一時醒唔起
    『人只得一個 情趣太多 而手得一對 最愛太多 如沒有飲歌 試唱著半首情歌…多謝收聽陳柏宇既拍一半拖』
    原來叫做拍一半拖，差d唔記得左，米住先，拍一半拖，我呢個時候個腦到突然出現左正常人絕對覺得有問題既方案，但我系呢個時候居然想試一試，我腦海出現左一個一腳踏兩船既諗法，透過同佢兩個拍拖先再決定同邊個一齊，我呢一刻我認為我好聰明，但係我總有個感覺呢個抉擇會令我後悔，無論系點宜家決定一試
    如果相比起拍拖，相愛同曖昧，我諗我最中意會系曖昧其實，曖昧個種既感覺好奇妙，因為你明知佢中意你，佢有知你中意佢，有時講到一d男女問題既時候心裡面都好甜，拍拖個陣講甜言蜜語都會好甜，但係個種甜法系唔同，唔係好知點形容，姐系好似阿華田同紅豆冰大家都系甜，但係甜法各有個特色，各有各滋味，有時都唔知飲邊樣好
    只從知道音音中意我之後，我有一排都無同佢傾計，我要計劃好全盤既計劃，如果唔係真系會一足錯成千古恨,我一路都仲keep住同希希傾計,我一直都唔甘表白，因為其實我好怕比人請食檸檬，系未有十足把握既時候我系唔會隨便行動既
    今日照舊放學翻屋企就貪左系張床到，正當我準備眠一眠既時候，電話響起，系收到whatsapp message既聲，一地原來系音音
    音『其實呢 可唔可以當乜野都無發生過 變翻以前甘啊』
    『唔得wor』


    音『下點解啊』
    『點解你又知我唔中意你呢』
    音『下 甘你由中四就開始中意佢啦 個個都知架啦 我又唔係唔知』
    『中意人可以同時中意好多人 但係愛人就只可以愛一個人』
    我講完都覺得有d牽強
    音『你想講乜野 想話你其實都有中意我』
    我其實幾識耍手段架都，可能睇得TVB d費劇太多啦，我無去直接答佢想要既答案
    『如果你中意一個人 你會唔會好直接同佢講啊？如果唔係表白既時候』
    音『唔會』
    『甘你明我講乜野啦』


    音『都系唔明bor』
    我無覆佢whatsapp message我錄左一段音比佢，順帶一提，我除左okay令仔之外，唱歌仲幾好聽，有七分似周杰倫
    『她或許不完美 任性的小缺點 安靜的嘟著嘴 就是想你多陪一會 她不要求完美 一杯開水也能醉 給的愛不準浪費 勾勾手不後悔』
    我唱左游喧既勾勾手既比佢聽
    音『你把聲好好聽 好特別』
    『如果你想 我以後再唱多d比你聽』
    音『好^^』