第十五章 約會 再給我兩分鐘 讓我把記憶結成冰 別融化了眼淚
  今日系星期五,放學之後就系週末既開始,我好期待今個禮拜既週末,因為星期六我約左音音去睇『那些年,我們一起追的女孩』,之後星期日我約左希希佢海洋公園聖誕節哈羅喂,呢個週末將會系最精彩最刺激最緊張既週末
    放學既時候我行去地鐵站既途中見到音音,而佢亦都同時見到我,佢行左埋黎
    音『你買左聽日戲飛未啊?』
    『買左啦 我地睇早場十點二啊 記得起身啊你個懶訓豬』
    音『你就懶訓 我日日都好精神 你唔好比我見到你系戲院訓著啊 我一定兜巴車醒你』
    『車 你捨得咩?』
    音『你米試下羅 睇下點』
    因為我住彩虹,佢住黃大仙既關係,為左就大家,所以簡左最近既鑽石山荷里活影院到睇,身為男仔既我好早就去到,我地約左九點半系鑽石山地鐵站等,結果我九點三就到左,點可以比女仔一個壞既印象先得架,話曬呢次叫做系『第一次約會』,其實以前我地都成日出街架啦,不過今次始終系有d唔同,始終大家對大家既感覺感情有左變化,講野既內容同回應比起以前有會有所不同
    等左大約十幾分鐘後佢黎到,音音今日無點著的好隆重,一件V字領白色tshirt加條黑絲超短熱褲,最後再加對紅色allstars,比人感覺簡單但同時亦突顯到佢個種清純同可愛


    音『行得啦 眼金金甘望我住我做乜野啊 行啦 我怕醜啊』
    『無啊 今日覺得你好特別姐』
    音『有乜野特別姐 米又系我 我次次出街都系甘架啦』
    佢甘樣一講又好似系wor,系米我以前無點重視佢所以發現唔到佢原來系可以令到呢個甘既地步,系呢一刻唔知點解我覺得音音同希希比更系有過之而無不及,講樣貌希希令d,但系音音多左一份可愛,希希有身材有身段,音音夠白又有長腿,最重要其實我覺得我系希希眼中系可有可無既小角色,但係系音音眼中我將會系最重要既一個,正所謂陳柏宇甘講『我的眼中只有你 今世不靠運氣 只靠患難亦撐我的你』,希希呢一種女神旗下既兵種多不勝數,我都只系普通士兵一名
    講開兵仔,題外話,有一次啊俊同我講最高級既兵種系騎兵,之後差d笑死我,聰明的你懂的
    我地去左影院個一層,好奇怪,唔知你有無發覺,戲院附近總會有d機鋪,apm系甘,德福系甘,呢到都系甘,我地去到戲院仲有成大約半個鐘頭,就算計埋買爆谷入戲院既時間,都仲系有好多時間
    『仲有成半個鐘 不如去機鋪行翻轉羅』
    音『好啊 甘大個女都未試過入機鋪』
    佢早幾個月先生日夠16歲,香港法例規定任何著校服或16歲而下人士不准進入,甘佢甘乖女,無啦啦又唔會自己走入機鋪行兩轉,如果唔係甘日撞岩得閒去行下,我古佢未來三四年都未必會如果機鋪
    音『哇 呢到好大啊』


    佢用一把勁天真既聲甘講,如果有人聽唔明中文的話,聽到佢個tone仲以為機鋪系世界八大奇蹟之一
已有 0 人追稿