米米蓮妖怪作品 -《旅行‧如此‧難以忘‧記 》(百集長篇): 第120集 ~ 欣︰車，你都冇打過，小倩就唔同啦。
第120集 ~ 欣︰車，你都冇打過，小倩就唔同啦。
@@
無錯，上面呢個係我對眼當時嘅反應，唔好諗錯咗係我身體嘅其他部位…
我一心諗住阿明又唔知喺邊度會有D咩奇遇咁，會騎住七色彩雲返嚟幫我哋手…
點知佢依家…竟然俾…「佢」砸暈咗。
「佢」係邊個？一陣再講。
上一次我講到輝輝召喚咗隻「火鳳凰」出嚟對付「鬼王」。
嗰一刻，我真係覺得輝輝型到…型到爆炸啊 ！
「鳳凰火炎，化為神劍！」
「火鳳凰」變成一把神劍，隨住輝輝嘅身影一吓拮埋去「鬼王」度…
「鬼王」想再次用「牛鬼神體」嚟抵擋，可惜「火鳳凰」嘅力量太強大喇！
神劍直插入「鬼王」心口，輝輝仲運勁向上拖斬…
「嚓」一聲，「鬼王」被分開兩邊，再慢慢好似死屍咁訓咗喺地下。
呢一刻，我真係忍唔住咁嗌咗出嚟啊！
「輝輝，好嘢！」
興奮過後，我眼見家姐好慌忙咁擒上石牆，諗住去救「袋袋」佢…
但係喺呢個時候，「先生」嘅「哀風」突然響起…
原來係「風婦」前輩一個令人諗唔明嘅訊息…
「神與神。」
「先生」講完呢訊息之後，神情突然異常認真咁，仲望住輝輝後面添…
我跟住望過去，原來…原來「鬼王」仲未死啊！
佢仲爆出一個驚世嘅真相出嚟…
「「東歪」﹑「南轅」﹑「西斜」…只係我同事…真正嘅對手…係「地魔」…」
冇記錯，只係曾經喺「星」老前輩度聽過呢個名…
同前輩同期嘅妖邪高人，肯定係非常犀利喇…
但係…但係點解佢要搵著我哋呢班人攪呢？
爆完真相之後，「鬼王」已到變成佢嘅最終型態 —「天狗鬼王」。
原來「地魔」將日本三大妖怪之一「天狗」收服咗，仲將佢俾咗「鬼王」…
而家嘅佢可以簡單D嚟形容，就係…惡形惡相嘅怪物。
佢之後一吓「鬼風」就阻止咗家姐同阿狗去救「袋袋」…
喺呢個時候，「先生」都唔敢怠慢喇，立即就叫輝輝配合…
諗住一擊即斃「天狗鬼王」。
「…龍鳳合璧！青龍火鳳！」
「天凰三十六變，人劍合一，鳳凰衝天！」
龍鳳雙劍合璧，直衝埋去殺「天狗鬼王」…
「巴蕉風牆！天狗食日！」
呢兩招並唔能夠完全阻擋「先生」同輝輝嘅雙劍合璧，睇嚟有機會殺到佢喇！
但係…
(攀 ~！)
「東歪」突然一招「妖夢縱橫」救咗「天狗鬼王」…
呢一刻，大家都呆咗，因為大家都一心諗住殺完「天狗鬼王」再算…
好可惜，呢個夢幻滅咗，而家我哋要打埋「司徒不正」，但係…但係…
突然天上面嚟咗一把聲音…
「YO！有我喺度，使乜驚啊？」
我向上一望，見到…
「七色彩雲啊！」
真係「七色彩雲」啊！我見住阿明一班人喺上面落嚟…
「哈哈哈，睇嚟我萬眾期待咁噃，大家都冇事就好喇。」阿明講。
大家之後寒暄咗幾句…
「睇嚟我太仁慈喇，俾咁多時間你哋班人類喺度傾計，接招啦，鬼風！」
「天狗鬼王」撥行佢把大葵扇，D風就好似鐮刀一樣飛埋嚟…
「嚓嚓」幾聲之後，遍地刀痕，阿妮﹑「中神通」同美奈子都受咗一D刀傷…
而魯莽嘅阿明仲無端端一拳打埋去「鬼王」度…
「鬼王」擘大佢嘅血盤大口一口就咬住咗佢個拳頭…
好在，有我嘅輝輝一招…
「鳳凰閃現，鳳凰火炎！」
輝輝一劍斬埋去，「鬼王」為咗閃避，鬆開咗口，放開咗阿明…
但係「鬼王」不甘示弱，即刻就回敬返一招…
「天狗夢魘！」
突然之間，有幾隻靈異鬼怪喺佢身邊出現咗，仲好詭異咁飛向我哋…
大家都諗住準備迎戰之際，突然…
「嘭」一聲，一隻巨物，由天上面跌咗落嚟…
「佢」砸暈咗阿明，仲嚇停咗「鬼王」嘅呢一招添…
「對唔住啊！」
呢把聲係…
我再定個神嚟，望清楚佢，佢係…
「肥高人啊！」
「大家久等喇，等我嚟收拾佢啦！絕殺黑龍波！」
一講完，肥高人就即刻使出絕招，務求將「鬼王」一吓打死…
但係…
(簫~~~)
呢個係咩聲？呢個係「鬼王」嘅藤籃吸收靈力嘅聲音…
「頭先唔係「東歪」條木咀救咗你哋，我早就收咗你哋兩個人喇。」
「鬼王」咁講，我哋成班人都愕然到唔知講咩好…
因為…因為大家都只會諗之前嘅嗰一吓係「司徒不正」救「鬼王」…
但係…突然間，「鬼王」竟然咁講？我唔明啊，我諗大家都唔會明白。
「唔怕坦白同你哋講，以我同天狗合併嘅力量，四大神劍出齊我都未驚過。」
佢並冇解釋到點解「東歪」要救我哋…
「冇錯，的確係咁，好明顯「鬼王」依家嘅力量，比起當年嘅「彊屍王」仲要勁。」
連「先生」都咁講，唔通…我哋冇晒希望，只有等死？
「不過…」
「不過咩啊？」
「我個「哀風」裝咗個「噏屎」，個「噏屎」教咗我一招，我希望試吓…」
「要點嫁？」
「個「噏屎」叫做「屎橋一大蘿」，佢教我嘅呢一招…」
「點啫？」
「可能要有人犧牲吓。」
講到「犧牲」二字，大家當然唔想啦，所以都呆咗一吓…
「咁唔好用住喇，試埋我呢招先啦！」肥高人講。
佢講完之後，雙手向天，雷電從天而降…
「對你哋呢D萬世惡魔，唔可以再留任何手喇，一出就要出必殺技！」
雷電存喺佢雙手之中，電光霹靂，佢作勢又出「黑龍波」喇，但係…
力量大咗好多啊！
「五雷轟殺神龍波！哇~~~~~~」
神龍電光就好似激光炮咁射向「鬼王」…
「冥界吸魂術！」
(嘭~~~！)
「嘭」一聲之後又係要等，因為周圍嘅沙塵又飛起晒…
………
「哈哈哈~」
聲音喺沙塵之中傳出嚟，明顯就係「鬼王」佢又冇事…
我哋已經好似冇晒辦法咁。
「已經唔錯嫁喇，你呢招比起頭先佢哋嘅龍鳳合壁，力量用得更成熟…」
沙塵散去，「鬼王」慢慢出現返眼前，而佢左臂就同個藤籃一齊消失咗…
「可以將一個冥界神器打爆，仲將我隻左手完全毀滅，睇嚟我唔可以再玩喇。」
「鬼王」咁講，睇嚟佢真係要殺我哋喇…
「肥高人」佢…佢抖住大氣就好似用盡元氣一樣，一時間，根本冇辦法回到氣…
「爆！」「鬼王」突然右手撥動葵扇大嗌。
「嘭」一聲，「肥高人」腳下突然爆炸，仲將佢炸傷…
「爆，爆，爆，爆，爆！」
四周圍一直爆炸，大家都爭相走避…
「哇！」「丫！」「哎！」
「靈魂鬼步，哈哈哈！」「鬼王」迅間飛到去阿狗面前…
阿狗只好即刻回敬，大家亦同時出盡法寶…
「土靈壁壘，狐燄！」
「火狐亂舞！」
「七傷神拳！」
「日月神劍！」
「鳳凰衝天！」
「五雷轟頂！」
「乜得咁多咋咩？鬼靈爆炸！」
「鬼王」相手舉起，成個身體就爆炸出成千上萬隻鬼魂…
大家都被彈開晒，而家好多鬼魂喺現場飛來飛去…
幾秒之後，鬼魂合返成「鬼王」…
「哈哈哈，不堪一擊！」
大家似乎都受咗傷…
「哈哈哈哈，係時候喇！」
受咗傷嘅「先生」突然咁講，我就望一望佢…
佢行埋阿明旁邊嘅小倩度，一手執起小倩手上嘅公仔…
「對唔住啊，係個「噏屎」叫我咁做嫁，到咗而家咁，真係唔試唔得。」
佢再一手就…
用力將隻公仔掟咗埋去「鬼王」度…
「鬼王」唔知係咪以為係武器，一爪就爪爛咗個公仔，而家…
大家都呆咗咁望住「鬼王」…
「鬼王」覺得尷尬，唯有咁問…
「做咩啫，殺死隻公仔都要你哋批准啊？」
「你知唔知佢係邊個啊？」
「我識佢係老鼠！」
「戇居佬，「作者」你都敢殺，你死喇！」
我冇理佢哋嘅對話，我反而特別留意小倩佢…
佢而家就好似我發火前嘅樣一樣…
嗰個樣係…係一副異常冷靜嘅樣…
佢慢慢放低阿明，慢慢企咗起身，一隻手就…
「哇丫~~~~~！」一吓尖叫。
我真係聾咁滯啊！
大家…就連「東歪」同「鬼王」都要噤住對耳…
「奮，鬥！」
我見到…我見到一隻
「摩天大廈咁大隻嘅鬼爪啊！」
「鬼爪」由上至下咁喺「鬼王」頭頂打落去…
「龐龐隆隆」咁…沙塵飛起晒，眼見到嘅最後一刻係…
小倩嘅呢招「奮鬥」完全打中「鬼王」佢…
………
沙塵慢慢散去…
我見到「鬼王」佢右邊身爛咗，仲趴咗喺地下…
估唔到…估唔到…打贏鬼王嘅竟然係小倩…
(待續)
下集預告︰
我一直都以為自己係一個人…但係…原來我只係一把劍…