有一日，我個妹比人捉左: 第十六章 茶餐廳 中

「阿彥，我睇好你嫁！20幾歲仔就入到我地政治部，可造之材！」上司笑哈哈地歡迎著剛加入的周浩彥。

「係啦，你同我跟依份case，上頭話A國同C國之間概情報交易途中比人偷左份機密文件。」

「佢地唔排除係其它國家要介入情報交易，萬一係真概話，可能兩國要開戰。」

「所以要盡快搵到個犯，知唔知道？」

「了解，我會盡我全力搵到個犯！」





-------------------------------------------------
旺角街道

「咪走！你咪走！」周浩彥與一個黃毛小子在旺角的街道上展開追逐，
但卻一瞬間被名為「人流」的人肉壓碎機輾過。

「個犯係西洋茶街出口，快d派人去個度！」周浩彥一邊抵抗人肉壓碎機的攻勢，一邊對著手上的對講機下指令。

務求要捉到這個犯為止！





花了半個月的時間，都捉不到這個小子。

明明他只是不斷圍繞著旺角跑，但我們二十多人都捉不到他。

難道他是忍者嗎？

當他意考著下一步怎步處的時候，他看到那個口中的小子走進不遠的廣華醫院去。

--------------------------------------------------
「輝仔，你黎探阿媽啦！睇下你，跑過黎跑到成身汗。」姑娘親切地打招呼。





「係阿，頭先同朋友玩追逐呀嘛！」阿輝帶著一點心虛笑呵呵地走進病房。

「17歲仔就唔好成日掛住玩啦，唔好要你阿媽禁擔心呀！」

「知啦！」

阿輝每次走進母親的病房時，都不由得深深地吸氣。

當下一秒呼氣的時候，就是要忘記所有煩惱，

笑笑臉的走進病房。

「阿媽，你點呀？有無覺得舒服d？」阿輝輕撫著躺在床上的母親，眼看自己的母親虛弱無比。
不由得心痛起來...





「輝仔...做咩滿頭大汗？又同朋友仔玩到唔知時間？」母親只是用著微弱的手抹去阿輝頭上的汗洙。

「係阿，你知唔知我頭先同個Frd玩到.....」

................

「輝仔，探病時間結束啦。」姑娘雖然提醒著阿輝探病時間結束，但其實已經多給他半個小時有多。

「恩，知道啦。阿媽，你訓多D啦，我聽日再返泥探你。」

當阿輝離開病房時，他看到以往笑臉迎人的陳醫生 目無表情的看著他。

「輝仔，我想同你講講你阿媽概情況....」





「你阿媽 已經差唔多到未期....我地可能無得再醫到佢...」

「你講咩？我聽唔到...可唔可以講多次？」阿輝試圖說服自己剛剛聽錯了陳醫生的話。

「好對唔住...我已經盡左力....但都係幫唔到你阿媽...」

「唔會嫁...一定有方法醫到我阿媽嫁！陳醫生！」
阿輝激動得扯著陳醫生的衣袖，不斷地想從醫生的口中找出一線曙光。

「我知啦！係米我比概錢唔夠呀？！放心！我一定會搵到夠錢醫我阿媽！」

「所以...陳醫生...求求你...」眼中不由得流下淚來。

「救救我阿媽....」阿輝無力地跪在地上懇求著他，旁人看到就只能跟著飲泣。





--------------------------------------
茶餐廳

「輝仔，你唔好禁啦，可能重有機會醫好你阿媽呢。」老闆在這個晚上對著阿輝說這句話超過數十次，
但他就像沒有充氣的公仔無神地坐著。

半晚中的餐廳再沒有人待在裡面，就只剩下員工和阿輝。

此時有人走進了餐廳來，點了兩杯咖啡。