有一日，我個妹比人捉左: 第十七章 茶餐廳 下

「咖啡兩杯。」

「唔該。」周浩彥接過兩杯咖啡，一杯給自己品嘗，而一杯則放到阿輝的面前。

「估唔到你會追到黎依度，真係比個「服」字比你，阿sir。」

「...撞彩姐。」阿彥品嘗著手上的咖啡，啖啖地講出一句話。

「你阿媽，邊種cancer？」





「血癌，醫生話再無人捐骨髓，幾個月就唔得。」阿輝回想起剛剛陳醫生所說的話，不由得流淚。

「係阿...」

茶餐廳的空間只有陳舊的時鐘轉動的聲音，

老闆在準備明天早上的東西，

阿彥只是繼續品嘗著手上的咖啡，





而一直呆滯著的阿輝則忍不住問起眼前的阿彥。

「你唔係黎「塔」我返差館咩？做咩唔「塔」呀？」

「要捉你幾時都得，但我依家淨係想好好地飲我杯咖啡。」

「哈，阿sir唔好玩啦，好揀唔揀飲依度概咖啡？」

「不如你自己諗下點解我要追你？我比你一杯咖啡概時間。」





「喂，輝仔！」

「做咩呀，老細。」阿輝無氣地問

「早幾日你話有個客唔記得摞份文件，重味有人返黎摞wo！」老闆手上拿著一份厚厚的文件袋。

「...份文件。」

「早幾日有個鬼佬唔記得摞，我米叫老細留住囉。」

阿彥只是不由得深深地嘆氣，想不到一切都只是一個誤會和個人錯失。

「我係政治部概有關人員，你手上概文份係一份機密文件，所以我希望閣下可以交還文件。」

「喔，失物姐，緊係比返你地啦。」





「你追我成半個月，就為左依份文件？」

「無錯，如果真係你偷概話，就唔止禁簡單。」

「....」

-----------------------------
現在

「你阿媽點呀，身體好嗎？」現在的阿彥還是一如以往喝著老闆煮的咖啡

還是一如以往的難喝....

「早兩年過世啦。」





「不過係含笑而終，都係多謝你啦。」阿輝擺出以往的死令仔的笑容，還是一如以往的惹打。

「多謝我？」

「如果唔係你捐骨髓，我阿媽一早就去左啦。」

「...禁就好啦。」思考著。

問？

還是不問？

「輝。」





「點？有事要搵我？」這小子的直覺還是很準確。

「我想你幫我偷一樣嘢。」

「估唔到堂堂一個阿sir要個小偷去偷野呀。」

「我想你幫我偷一份驗屍報告。」

驗屍報告？

「禁要係邊偷呀？私人醫院？」

「唔係，份報告係廣華醫院。」






有興趣概like下我個page:)
https://www.facebook.com/pages/%E8%82%A5%E4%BB%94%E5%8F%B2%E4%B8%B9%E5%88%A9/396450830472399