你陪我過聖誕，我陪你過元旦，好嗎？: 第一章
是咁的，平安夜的晚上,人來人往的街頭,差點就要遲到了,我約了一個絲打出來見面,心情好緊張,
臨出門時因為太緊張的關係,成日迎住迎住想去屙屎,但其實已經屙無可屙。太緊張了。最
後食定喇叭仔,唔再成日肚脹,就急急出門。
放工的人海塞滿地鐵的每一個角落,無論是入閘處,月台上,或車廂之中。每個人都在這佳
節出外歡聚,有一家大細的,有一雙一對的,有聯群結黨的,有自由行,有漫無目的。總之
就係迫,到處到係人。
之前冇預計今晚會有街去,相信會同之前的節日一樣,對住電腦同AV 女優,或者電子遊戲
之中度過。就係估唔到,我有樣學樣,學人開post 招女友過平安夜,食飯,行街。開始既時
候只係想湊下熱鬧,因為中途太多人入黎爭。啲留言搞笑又抵死,搞到成個post 似搞笑多過
招女友,而且中間好多hehe ,又多騎呢留言,有時都唔知真心定假膠。
但神奇地,我發現有一封未讀的信息,有人pm 我。
我按開了信息欄,網名就唔講啦,內容竟是答我今晚平安夜可以出來,按我比既價錢,陪我
食飯同行街,費用我全包。又形容自己身高168cm,普通樣,唔靚但唔嚇人。唔肥唔瘦。只
會同我食飯行街,不可有身體接觸,更不會有性接觸,如果我認真的話就pm 電話號碼比佢。
太感動啦,今個平安夜唔再自己一個人過。唔洗再聽lonely Xmas 啦。
我即時pm 我既電話號碼比呢位絲打。等呀等,等了又等。Whatsapp 有人加我,幅圖係一個女仔黎既,不過太細粒。用放大鏡都睇唔清楚個樣。
絲打:你係咪今晚出黎?
我:係呀,好多謝你今晚會陪我,我叫阿簡。
絲打:幾點?係邊度食?
我:你有冇咩意見?
絲打:我想出尖沙咀。
我:尖沙咀好多人,不過好有節日氣氛。我贊成。
絲打:咁食乜嘢?
我:你想食咩?我咩都食。
絲打:我上開飯啦睇吓先。轉頭復你。
我都好期待,雖然知道尖沙咀咁既大時大節,食飯一定好貴,但難得一次唔係一個人過平安夜,洗多小小錢都無所謂。
轉頭絲打比左張圖比我,話想試呢間。叫我訂位先。
我:好啦,我打電話去訂位。
我打電話去餐廳,有位,今日的最低消費每人$600。
內心爭扎一輪,今晚咩日子呀?平安夜呀,度度都咁貴架啦,難得今年唔洗做毒撚。點都要豪一次。
最後訂左位。再whatsapp 絲打。
我:已經訂左位,今晚八點,我哋約七點鐘好嗎?
絲打:一個鐘$300係咪。
我:係。
絲打:咁好,一陣七點喺尖沙咀見。
我開心到彈起,即刻沖個靚涼,換返套飲衫,告別毒撚的日子。
"其實毒撚一個更開心,洗撚你講。"
好既開始係成功既老母,好似係。
我有啲飄飄然既感覺,我希望今年之後,我唔再係一個毒撚,而喺一個可以笑鳩人既mk 。
哇哈哈哈哈,哇哈哈哈哈。
雖然我把口喺咁講姐,但我個心唔喺咁諗嘅,我其實有幾樣擔心,首先,對方係咪女仔,如
果係女仔,佢個樣係點?身形又點?會唔會呃錢,佢係咁啱好今日無街去,定係點呢?會唔
會喺男人扮女人,吊厹呢?一腦子既問題,我呢一刻都搵唔到答案。
我叫阿簡。今年將會度過人生第二十二個聖誕節。咁大個仔都未拍過拖,但有好幾次既戀愛
經驗,當然呢啲經驗全部都係單向既。我有好多既女神,有啲係明星,有啲係舊同學,最近
期認識既女神係公司既老闆秘書。佢叫Annie ,佢長頭髮,有一雙迷人既大眼,仲有殺死人
既笑容,佢笑起上黎有酒窩嘅,身材好好,上圍好大,目測有36e。腰幼腿又長,佢皮膚好
好架,又白又滑,其實自從我見過佢之後,我已經當正佢係女神咁架啦。不過佢有男朋友,
佢男友又幾靚仔,仲要係有錢人,我見過佢架車真喺型到爆。唉,我呢啲人又點可能溝到女
神呀?又無錢,個樣又普通,咩都唔識,其實我知道女仔個心想要啲咩,無非都係三大範疇。
首先喺安全感,女仔鍾意受到保護,有安全感個女仔會覺得你好有基礎,有基礎就好容易可
以發展落去啦。點先會比人覺得你有安全感?好簡單姐,有錢咪有安全感囉,有錢唔洗憂呢
樣,唔洗憂嗰樣,咁生活有保障,第時結婚生仔,組織家庭,都有穩定既生活,至少唔會因
為無錢而成日嘈交啦。如果冇錢咁點?咁就要表現出你好有理想,好有方法去實踐理想,通
常呢啲男仔都會有一定嘅吸引力,呃得下人。又或者識好多嘢,咩都識,女仔對於呢種男仔
會好有好感,比佢覺得好叻,好祟拜。
第二個範疇就係小小既虛榮感。點解係虛榮感?其實男女都喜歡呢小小既虛榮感,因為人類
社會,由一出世開始,無時無刻都喺度同人比較,比較邊個好啲,比較邊樣好啲,比較完一
樣又去比較第二樣。某某個男友有錢啲,某某男友靚仔啲,佢男友送咩咩比佢,點解你唔送比我?
同樣地,男人都會比較某某女仔大波啲,又邊嗰靚啲,其實都喺比較,都喺虛榮心。不過講
到尾,都唔及最後一個範疇。
呢個範疇,得一個字,"愛",好抽象,可以話無得分析,無得解釋,無得搞,當然啦,以一
個毒撚黎講,係前面兩個範疇都唔會好高分既情況之,最後一個範疇其實都好輸蝕,最後又
唯有望天打救。
今次我決定自己救自己,毒撚自救,唔洗吽臭。我自己偷偷哋笑咗出黎,係迫爆既地鐵車廂
內非常異相,我收起笑臉,去到尖沙咀站,我又緊張起黎。
尖沙咀度度都咁多人,個個都係度等人,我呢啲咁小出街既毒撚點知係邊度等人好呢,所以
我開頭約佢係A 出口出面清真寺門口等,點知出到去先知封左路,我一路跟住人流行,最後
都搵唔到一個等人既有利位置。最後佢約我係海港城出面等,仲已經到咗。睇下時間,原來
已經七點一,第一次約人就遲到。
我想快快趣跑到去,但太多人,想快都快唔到,我打出第一個電話比佢
我:對唔住呀,我迫緊過黎,要你等唔好意思。
絲打:你再唔出現我就走架啦。
我:唔好意思,我就快到,你等多一陣。
絲打:快啲呀。
嗚呀,佢把聲好甜美呀,係女仔黎架!雖然我遲到佢有啲嬲,但佢嬲起上黎把聲又有點嬌俏,
佢會唔會係我鍾意既類型呢?個心好忐忑呀!
我迫入人群之中,想爭取每一分,每一秒,我加快步伐,想大叫滾水呀,讓開條路呀,不過
我蚊滋咁細聲既呼籲得唔到回應,我唯有跟住人潮繼續前行。
去到海港城門口。我想打電話比個絲打,我望住前面有個靚女望住我,跟住佢對住我笑,嘩,
個笑容好甜,佢頭髮係啡色既長長曲髮,對眼望住我就好似有千言萬語想同我講,佢笑笑口咁行埋黎:傻瓜點解咁遲既?
我聽到佢咁問,我當場面都紅晒,都唔知點答佢好。...
後面一把男聲:係啦,條街好多人。
我後面既男仔越過我同迎面而黎既靚女相擁。
原來唔係同我講,我仲以為佢就係絲打,好彩我未答佢,唔係就真係樣衰
