細細個見到嘅靈異事件勿語: （十六）中學 - 滴答滴滴答

=inherit=inherit（十六）中學 - 滴答滴滴答

=inherit大家住開或者有去過屋邨都知，通常樓下平台都有個公園仔俾大家乘涼，其中有d會有乒乓波枱。

=inherit果日係星期六，大約黃昏六點左右，我同個鄰居響樓下打乒乓波，
果時都差唔多收太陽，公園仔開始無乜人。
入夜後，d街坊伯伯都陸續開始返屋企喇。

=inherit年少多好，頑劣多好，汗水我地有大把，我地就繼續「滴答...滴答...」咁球來球往啦。





=inherit過左陣，有對父子行過黎我地隔離張乒乓波枱到，
不過果張乒乓波枱係半截式嘅，即係另一邊係入牆，方便一個人練波果種。

=inherit我地就繼續有我地打啦。

=inherit個中年叔叔就拎個球拍出黎啦，同埋個橙色波，然後就開始打喇。

=inherit滴答滴滴答…

=inherit打落幅牆到，彈返埋黎…打落幅牆到，彈返埋黎。





=inherit睇個款，都有d功架喎，而佢仔仔就企響側邊，默默望住學野咁。

「喂，睇住！」一唔為意，我個friend一下扣殺，成個波殺左去我後邊。

「超！」

「留心d啦！」

咁我就轉身跑去搵返個波啦。





=inherit返黎波枱果陣，好搞笑，離遠見到對面父子果邊，個仔仔企左上張枱到，
背脊貼住幅牆，踎低身同佢老豆對打緊。

=inherit滴答滴滴答…

=inherit睇落又打得幾順，咁細個就打得咁好，我仲諗緊佢老豆係咪日日都黎教佢打嘅。

=inherit返到黎，我一下大力殺埋我個friend到：「咁大力，殺死人咩？」

「殺波唔用力，唔通成晚滴滴仔咩？」

「好吖！」

俾佢激一激，大家都殺得性起，愈打愈起勁，愈打愈大力。





=inherit滴答滴滴答... 兩張枱嘅乒乓波撞擊聲互相交疊着。

=inherit聽落，好似好勁。

=inherit滴答...滴答...

「唉，抖抖先。」我個friend氣來氣喘，放低球拍，拎起支水就飲。

=inherit我繼續好奇望下隔離打波。

=inherit當時可能係覺得霸住張枱太耐卦，又見到隔離父子打得咁「委屈」，
要個仔仔企上枱到，埃住幅牆打，
我就行埋去，好禮貌咁問：





「呃，一唔一齊玩下吖？雙打吖？」 唔問由自可。

=inherit一問，全場靜曬。

=inherit個叔叔停曬手望住我。

=inherit我 friend都呆L曬望住我。

=inherit呃…

=inherit我望向埃住牆果個細佬仔。

=inherit我就知，仆得街…

=inherit人就無，淨係見到一撻黑影係牆上面，慢慢滲進去牆身裡面。





「雙咩打？你夠人打咩？」叔叔以為我玩野，一句回我。

「做乜q呀你？」我個friend問。

「呃…無野…無野…哈哈…」 衰多口…

=inherit原來成晚,

=inherit都係得我，我個friend，同阿叔，三個人。

=inherit之後，我同個friend都繼續有打。唔知係咪心理作用定咩野，
成晚感覺到乒乓波枱底，好似有人，周不時拍一拍我隻腳咁。

=inherit拍完，無野，隔一陣，又feel到。





=inherit如果呢刻你坐響電腦枱前，你可以自己試下，伸隻手落枱底，好似敲門咁敲兩下自己小腿骨。

=inherit就係呢種感覺。

=inherit我無深究，無望落乒乓波枱底下面，頭先衰多口，無謂再多事。

=inherit過多陣，個阿叔就收野走囉，我地亦都走人離開。

=inherit臨走果陣，我眼尾望到隔離半截枱上面果幅牆，突然醒起，之前d封眼師父講過，
話「佢地」最鍾意伏係d牆到行，因為貪牆身夠凍，提醒我訓覺果陣，唔好貼住幅牆訓，
就會少d有撞到「佢地」嘅機會…

=inherit唔…

=inherit希望大家都記下啦。

=inherit至此，我每晚行返屋企，一聽到波枱果邊傳黎「滴答滴滴答…」嘅乒乓波聲，

都不禁，

毛管戙。

=inherit無論果邊係有人，抑或無人…

=inherit滴答滴滴答  參考圖片