(十九)地鐵

呢個情境,一講起,原來好多人都試過。

地鐵入面,明明自己肯定無上錯車,明明每日都係去同一個月台,
一落電梯轉左,自己亦都無訓著,卻無啦啦發現自己skip左好幾個站。

我細個經常都會係油麻地搭返去藍田,綠色線。

油麻地─>旺角─>太子─>石硤尾…



有一次上左車,咁司機廣播就黎喇。下一站金鐘,The next station is Admiralty。
我一聽,o 左下咀,心諗,車長又會咁大意,講得咁錯嘅?

下一站旺角呀!我望望周圍d搭客,睇下佢地有無同我一樣發現到呢個笑話。
又無喎,傾計嘅傾計,玩手機嘅玩手機,我四圍望望,原來個個都無留意到。

到站,我擘大眼望住車出邊,真係金鐘!
我岩岩先係油麻地上車,一個站後,面前出現左金鐘。



我好肯定無上錯車,因為日日都係咁落黎架啦。
喂,就算就算係上錯車,都無理由會skip曬d站,next station 就金鐘。

我即時眼望望睇下周圍d人,睇下有無乘客同我一樣覺得離奇做乜九,
無囉!個個都好正常咁,落車,轉車,一d異樣驚奇表情都無。

換句話說,可能,就係佢地根本就係無事無事,
同平時一樣,係我一個無意間誤打誤撞闖左入呢個車廂啫。

我落車,搭返轉頭。頭先發生左咩事?



到而家,都係不得而知,但每次,一講返起,都發現原來身邊好多人都同過我一樣,
呢個情境,一講起,原來好多人都試過。

搭錯車,突然去左第二個車卡到。

好似有d嘢交錯左咁。

有時,d人話搭搭下車,見到d唔似呢個年代嘅人,出現係月台到,來回踱步,

其實...真係唔奇。

地鐵  參考圖片


已有 0 人追稿