嘜克筆: 好消息

作家是一個一將功成萬骨枯的職業,在一個成功的作者後面,總會伴隨著很多在寫作路上的失敗者,
或是寫到一半寫不下去的,或是花了一大筆錢卻銷路慘淡的。
在畢業後的一年,除了平時當一些兼職外,我們都埋頭在寫作裡,期盼著自己第一本作品的出世,
然而當寫完之後,我的作品卻得不到任何一家出版社的賞識,
正當我坐在家裡在思考前面的路應該怎麼走的時候,沙發旁的手機響起了鈴聲,打開手機,是Olivia打來的。

「Jason!」一把近乎尖叫的聲音從那邊傳來。
 「哇, 攪乜?High大左?定係撞到G-Dragon? 」我抱怨道。
「出版社個邊覆左我啊! 」
「哦…佢地都覆左我啊…仲叫我加油添…」


 「喂啊唔好咁灰啦, 我依次係好消息啊, 出版社應承我幫我出書啊! 」
「邊間出版社咁傻仔? 」聽到Olivia先有好消息, 我實在提不起勁恭喜她。
「綠藤出版社啊, 雖然細間, 但起碼叫開左個頭丫嘛。」
「咁又係, 恭喜哂喎。」
「喂啊唔好咁冇心機啦, 若然未報, 時辰未到姐。」
「……請問你係攞景定贈興? 」
「我諗過啦, 可能我真係未夠火侯寫長篇故事, 我諗要轉轉方向。」
「姐係點? 」
「我要試下做廣告文案。」
「點解會突然有D咁既諗法?」Olivia不解道。


「你諗下, 廣告文案唔洗寫大篇文, 剩係要根據個客既要求, 作一個觀眾鍾意, 客戶又buy既廣告, 只要係入面磨練下, 我相信再生鏽既刀都會變返鋒利! 」
「留低既都係一份心意…」
「下? 」
「冇我諗起姜大衛個廣告哈哈哈」
「丫講野咁逗趣既你, 人逢喜事精神爽咁喎, 等我帶你出大排檔隊下啤賀下啦大作家! 」
「月黑風高之夜, 北角東寶, 我地不見不散! 」
「你都痴孖肺既哈哈! 」