講下我細佬,我細佬叫杜家宇 

係咁多個兄弟姊妹入面,細佬成績最好,從來都唔需要屋企人操心 

加上係孻仔,爸爸對佢總係特別愛錫 

以前細佬d玩具多到拍十集toys story都夠,星期日去完飲茶,細佬總係捉住爸爸隻手去睇 

玩具,就算睇中既玩具好貴,爸爸話左唔買,硬係過幾日又會出現左係屋企 





細佬就好似屋企既明星咁 

爸爸媽媽既痛錫,加上我地三兄妹對佢既關愛 

當所有野都變得理所當然既時侯,細佬既性格變到有點牛精 

當然爸爸都察覺到,但係細佬既成績真係無可挑剔 

係一間名校入面每年都考到頭十,真係唔容易 





只要細佬唔太過份,好多時爸爸都唔願意責備細佬 


今日係我放榜既日子 

我考到十三分 

十三分,唔好話拎返去比爸爸睇,連我自己都相當唔滿意 

我辜負左哥哥對我既期望,哥哥當年日頭返學夜晚做麥當奴都考到十六分 





我一星期補三次習,都仲要少過哥哥三分 

我好唔開心,雖然十三分係我地班都已經算幾好,但我完全不能夠接受 

我咁辛苦讀書唔係為左自己,有無中六,有無書讀,對我自己黎講完全唔重要 

我只係想超越大哥 

眼淚好唔爭氣咁流落黎 

我send左一個短訊比大哥話佢知我成績,我認為我只需要向大哥交代,所以我無打比爸爸媽媽 

離開學校之後,我見到爸爸企左係到 





『爸爸,點解你係到』 

『我個仔放磅我係到有咩咁出奇考成點呀』 

『十三分』 

『十三分?』 

『嗯』 

『比我睇下』 

我係書包拎左張成積單出黎比佢,爸爸望住我張成績單唔 

『中文c,英文c...』爸爸拎住我張成績單念念有詞 





『嗯...幾好』爸爸竟然讚我 

『得果十三分有幾好』我口雖然係咁講,但聽到爸爸讚我,我都好開心 

最後我同爸爸去左西九龍廣場食飯,途中我爸爸打左比媽咪話比佢知我既成績 

大哥亦都覆返我 

『唔錯呀,同佢地講我今晚請食飯』大哥真好 

『你打算原校上中六?』爸爸問我 

『嗯』 





『你想轉校既話同我講,我幫你搵學校』 

『唔洗啦,都係咁讀』 

爸爸今日既笑容出現左好多次,我亦都好耐無都試過同我爸爸兩個人食飯 

雖然我唔明白點解爸爸會咁開心,但唔緊要,只要佢地開心既我都做 

成績? 

wfc?
 
已有 0 人追稿