[家庭]係我屋企入面,我只係一個配角,一個可有可無既人: 離家

『屌,二哥咁你即係玩鳩我姐』甚少聽到細佬講粗口 

『點解咁講呀?』 

『你走埋咪得返我一個,咪得我一個對住佢地兩個?唔好咁殘忍啦二哥』我將我月尾會搬既事講左比細知 

『怕咩呀阿爸咁錫你』 

『錫你老味,煩就真』通常細佬都係身在福中不知福 





『無得改變架喇,你多d陪下阿媽啦』 

我知我係對唔住細佬,我阿媽果d煩功,無左我同細佬分擔,一個食曬都幾係 

大哥知道左都無阻止我,淨係叫我要保持聯絡,唔好搬左出去就唔見左人 

我租左一個長沙灣既套房 

我揀左阿爸阿媽都返左工之後執野走,就係我執好曬既時候 





阿媽竟然放早返左黎 

『你搬呀?』 

『係呀』 

『搬去邊呀?』 

『搬出去囉..仲有呀鎖匙,同埋岩岩上半個月租』我將錢同鎖匙放係櫃面 





『點解咁突然唔講聲先呢?』 

『唔想講』 

『杜家和』 

『我走啦』 

『你走去邊都要同阿媽講聲先得架』我阿媽竟然喊 

『你咁想知做咩姐?你當睇我唔到架啦,就連我想搬,你都係今日先知,究竟你諗咩架』 

『我淨係想知你去邊度,有咩事我都要知點搵你』 

『咁多年我有事都係自己解決,應該都無事要勞煩到你,如果你有事就仲簡單,因為我無興趣理』 





我拖住兩袋衫離開左屋企