羊生與羊太的日常軼事: 公司用

羊太打算買一部Mac機，正在網頁上選購。

「老公，你話要邊款keyboard好呀﹖」她指著網頁問我。

她又道﹕「一款係無線，但係就無咗入數字嗰邊；另一款就有線，好似普通keyboard咁，仲有兩個USB頭喺側邊。」

無線那一款是細小又簡潔，但另一款有多兩個USB插頭好像更方便啊。

我說出我的分析﹕「揀有線嗰款啦，有多兩個USB頭好似方便啲。反正你都唔會坐喺床度用㗎啦，有無線都無關係。」





她點頭道﹕「咁又係......」她頓了頓又道﹕「咁你而家又用緊無線keyboard﹖」

「呢個﹖呢個係之前公司買㗎嘛，咁緊係買好啲啦。」

她奇道﹕「點解買嚟公司用嘅會喺屋企出現嘅﹖」

我道﹕「之前買完放咗喺度唔記得拎返去，到我resign咗都留咗喺屋企，咪自己用囉。」

她白了我一眼﹕「咁都叫公司用呀﹖」





我笑道﹕「『公』器『私』用，都算係公私用吖。」

羊太給我逗得笑了出來。