羊生與羊太的日常軼事: 貪外表

「老公，上次買去比奶奶嘅蛋糕有無食到呀。」

話說母親節晚上羊太沒有空，所以當天早上她買了幾個聖X娜的玫瑰形迷你蛋糕，讓我帶給我媽。

「剩係食咗一個，大家都好飽其餘嗰啲無食到，留低咗比家姐。」其實那天早上我和羊太都吃了一個試味，但吃過之後都覺得是意料之外難食。

我又道﹕「其實咁難食都好難食埋剩低嗰啲。」

羊太扁扁嘴﹕「嗚......我都估唔到會咁難食......」





我道﹕「話咗聖X娜啲蛋糕唔好食㗎啦，你又要貪佢靚。」

羊太撅著嘴﹕「點知啫......」

我笑道﹕「你揀蛋糕就同揀老公一樣，都係剩係貪外表靚，咁就比人呃咗。」

她嗔道﹕「揀老公我比人呃得慘啲呀！豬頭其外，敗絮其中！」說完自己都忍不住在笑。