[真人真事]唔知你地既初戀係點架呢 我既初戀係咁: 相知(前)

係我灰到盡果陣班友已經離我好遠，之後我同MIKI差唔多係條路既盡頭先搵返佢地部車，發覺原來仲有一個無乜人既沙灘，我唔係好知點解個沙灘無乜人，但係我見倒沙灘上面幾個有傳說中既"海女"摸硯

而且班友唔知點解好似撞邪咁又係度摸硯，仲話摸黎今晚燒野食，咁人地"海女"有專業架生，即係細路仔用黎堆沙果D膠剷同膠筒，而我地6個人就連拖鞋都除埋係D沙度踢下踢下，好多中途經過既人D眼神都好奇怪，唔知係咪以為我地做緊某個宗教既儀式。

我地一路踢，我諗踢左3個字左右啦，終於皇天不負有心人，比我踢到D野，你估下我踢到D咩?我踢到破璃碎呀!!跟住我隻腳趾公爆晒肛，成隻腳趾打直一條線介開左，最慘都唔算係呢樣野，最慘既係5個人入面得MIKI唔係淨係識笑，MIKI走黎幫我

當我仲諗緊MIKI好似白衣天使果陣，佢唔知係邊拎左3張好似平時用開果D SIZE既卡通膠布出黎，佢打算用3張膠布痴埋一齊黎擴大張膠布既面蹟!!果一刻我有感謝上帝，因為我諗如果我係比人斬一刀既話，佢應該會用粗膠紙幫我痴返好個傷口

咁過一陣我就可以用"腳爭"行路，出返去個沙灘見到部殘廢車就心諗今次仆街了，拿 咁我家陣既情況只係可以坐係架殘廢車既後面，而我又唔想係一個女仔載我返去咁樣衰，如果係男仔踩呢，咁MIKI就要踩正常單車，但如果MIKI真係踩正常單車呢，我諗返到間屋果陣MIKI既傷應該會嚴重過我



不過最後決定左都係由MIKI載我，由於受傷既關係啦，佢地送左我返去先，之後佢地再還車同買BBQ既野食，我就係屋企等。

等緊佢地其實果陣有段小插曲，我親身經歷就覺得好驚既，睇下你地想唔想睇，我記得果陣大約6點幾7點左右啦，個天已經黑晒架喇，而班仆街都出左發大約一個鍾左右未返，咁我就睇下電視啦，次後聽倒門口有人敲門，我覺得都奇怪，明知我已經殘廢左仲要我開門，D聲係好實在咁咯咯咯，當我起身想開門果陣無啦啦廁所入面有人敲門，而我肯定個廁所係一定無人既，於是我企左係度十秒左右，就到房門有人敲門，再到露台，跟住我就好冷靜咁坐返低睇電視，而等到佢地返黎之前，我既視線都唔敢移開部電視。