[真人真事]唔知你地既初戀係點架呢 我既初戀係咁: 相親(中)

結果我上左佢個豪華屋企，佢屋企除左有鋼琴之外仲有個電子琴，睇落去成個屋企都似係音樂世家咁，咁我知佢唔鐘意屋企亦都無問咁多

好!!咁我地JAM歌啦，其實果幾個星期我地每晚都練到十二點我先走，我地每晚唔係叫外賣就係食杯麵，我地以為勤力D就可以追返D時間，因為我地知道已經無時間玩玩下

但係頭一個星期我地夾極都唔岩，我諗大家有玩過音樂既人都明白兩個人JAM歌，但係兩個人既音樂造詣唔同既話，其實係好難夾得埋，夾果陣我一係就彈唔到跟唔切，再唔係就要佢彈D簡單既歌黎就我，好似幫我練結他咁

我地都試過佢彈我唱，我彈佢唱，但係我地發覺其實大家都一樣唱唔到太高難度既歌，可能只係唱到開頭，中段或者尾段，我同佢都有諗如果我地揀D簡單既歌黎彈，就咁HEA過果五分鐘，咁但係我地其實又為乜野上台呢?

我亦都有諗過放棄，如果上台出醜既話，不如直接同老師講我地唔上台，可能咁樣會好D，但係我一開始好有大志咁諗住唔想比MIKI睇到我乜都唔識，我先決定同佢一齊表演架喎，我今次真係好想認真咁去做好一件事



過左果一個星期之後MIKI就問我可唔可以將兩首歌MIX埋一齊當一首歌黎彈，佢可以負責難果一部份，我負責易D果部份，我地大家一齊諗行唔行得通果陣，我已經夠鐘要返屋企

果一晚我返到屋企，我坐係張床度咩都無做，我諗果一次係我成個人生入面第一次認真去諗一件事，我有諗過如果兩首歌合埋一齊，但兩首歌既故事唔同，會唔會好奇怪，我又有諗過如果將兩首故事差唔多既歌合埋一齊，有無人會唔明白我想點

就係咁，我成晚都無訓過坐係張床度諗我應該點算，我諗到天光終於諗通左，我將我諗好左既野全部寫晒係張紙度等返學比MIKI睇

返到去MIKI睇完我寫既野，我係佢眼神度睇得出我今次終於無失敗到，我決定將幾首歌加說話加歌聲合埋做一個故事...