果一晚我成晚都諗住佢錫我一刻,而且我無洗面就訓。題外話,其實一開始唔係諗住將盒頸錬放入蛋糕度,我果陣係諗住放入個公仔入面,要我劏開隻公仔塞盒野入去都唔係問題,但係我點用針線連返好佢,整到好似無做過手腳咁呢?而且就算我做得到,我諗MIKI一世都無可能知道個公仔個肚入面係有"異物"

後來我覺得呢個諗法太瘋狂,我諗如果有套電視劇入面係有呢個橋段既話,塞入公仔果樣野應該唔會係頸錬,而係炸彈

MIKI生日之後我地好似以前咁都照上佢屋企玩音樂之外,我地仲會一齊溫書,果陣我地既感情真係好似情侶,差在我地無任何既身體接觸

點解我會溫書呢?因為暑假前既考試就到喇,而且我記得MIKI想我地6個人都一齊入大學,但入大學之前都要最少過到下年既會考,其實溫書果一度我係有比心機溫,但係用一個月時間比我追返成個學期所學既野其實無可能,但係唔知聽邊個講又話中四既畢
前考試好重要,所以我係一路溫書......一路諗出貓既方法

我覺得人地將D成百個答案重點直接抄係張檯度實在太水皮,我係將重點入面其中可以勾起我記憶果幾隻字寫係手指"喇"度,有老師經過我就合埋手指,佢走左我就照抄,正所謂進可攻,退可守,例:明治維新
1860年到1880,消滅德川同廢武士,我寫係手指"喇"度會變左:6明8德武,德字同武字都有個交叉係度,我就係咁,就可以勾返起成個明治維新個故事出黎



經過一番努力,我既成績好到我唔信,但係我諗我會考都未必駛到橫手,都要再努力D

考完試就緊係暑假啦,我地6個人約左去海馬公園,其實我初初係諗住我同MIKI兩個人去,點知MIKI主動叫埋其餘果4個人,究竟佢係唔係鐘意我,我睇唔透,

好快到去海馬公園果日喇,跟住....




 
已有 0 人追稿