[真人真事]唔知你地既初戀係點架呢 我既初戀係咁: 初戀(第一章)

環節係將所有禮物痴晒號碼，出黎既人抽到幾多號就會拎果件禮物，而禮物號碼唔係一定等於自已既學號 

我地6個人入面其中一個係班會主席，我叫佢幫我手做幾件事

[抽獎果陣一定要順學號去抽;按排我自已果扎花既號碼係15號]

[用黎抽簽既紙簽都係要佢寫，我叫佢寫號數果陣唔好寫15,11,22]

[而且同大家講話要保持神秘感所以大家唔好即時睇自已抽到咩，到所有人抽晒先睇]

[比24號同比26號(我)抽之前，佢要扮野搖下個抽獎箱，令入面D簽已經集中晒其中一個位到]

我同24號都著一件長袖冷衫，而且我同佢一早各自收埋左預先準備既11同22號既簽，跟住大家都順學號去抽，到差唔多24號抽果陣我叫24號手渣住4張全部寫晒15號既簽，同入面果D正常既簽調包，等MIKI無論抽到邊張都係15號簽，MIKI抽完我再同24號溝通換返正常既簽入去再調多一次包

就係咁我就送左份禮物比MIKI，MIKI拆禮物果陣佢見到係扎花佢完全唔知邊個會咁做，正常心態係唔會覺得有人會咁做，邊個可以係一個抽獎環節度送到自已既禮物比自己既目標

佢拆開禮物之後我就扮一個好唔開心既樣比佢睇，比佢覺得份禮物唔係我送既，到我放學送佢返屋企，沿途佢都見我唔開心，仲有諗過掉左扎花佢，跟住我同佢講:「如果人地唔係諗住送比你，但你掉左佢，咁你咪連比返物主既機會都無囉，何況可能真係有人想送比你.....」，果日差唔多天黑我就走左

但係走左之後我無返屋企，我企左係佢屋企門口個走廊度同佢傾電話，我一路扮唔開心一路到佢傾，直到我同佢講不如熄燈早D訓啦，佢好聽話熄燈，佢一熄燈就發現左D花其實係我送，我係電話入面聽到佢係度狂笑，跟住佢問我可唔可以家陣出黎，呢個時侯我就敲門



佢開門比我入去之後我就攬住佢，同佢講我其實由長洲果日開始已經鐘意佢，問佢可唔可以比個機會我，佢無出聲，我淨係感覺到佢猛點頭.....

就係咁，我同MIKI正式開始.....