『做咩咁傷心?

『關你撚事!? 一諗起可能一生要孤獨終老,又被迫讀男校我嘅怒火即刻湧起,一秒後我先知道自己講左粗口,今次仆街了

當我諗緊老母會點屌我個陣我眼前出現嘅竟然係一條長腿再望上去竟然 係一個靚女。

妳係邊個?

『穿越天使。』佢答得非常冷漠。



『妳點入我間房?

『唔話你知。』

『咁本筆記係真嘅?

『我撚知。』

佢見我一面愕然就話『係呀怕撚左你啦。』



世界上竟然有咁爛口嘅天使!?

但係無可否認佢真係一個靚女,十足係一個天使。

我整頓完思緒後再問。

『點解要係穿越而唔係死亡或者救人筆記之類呢?

『我無話過無其他筆記。』



『明白,咁點解揀我?因為我靚仔?』

『秘密,不過一定唔係你靚仔。』

『好咁我想試下本筆記。』

『關我撚事。』

『你同我老死啊傑一樣咁鐘意講粗囗。』

唔知點解佢一聽到啊傑個名成個人即刻呆咗一秒,而老母又再次召喚我出去食飯。

『屌,真係好撚煩,我一陣食完野就會返呢試本筆記,千其唔好走開。』

『小朋友唔好咁爛口。』



『你改我咪改囉。』
哈,佢竟然識串我,估唔到呢個天使又幾得意,但係總係覺得佢講野嘅方式有種似曾相識嘅感覺。