《我要回到過去同周杰倫爭女神》: 第五章《第一次穿越》
秒殺晚飯後我再次回返入房，我一打開房門發現穿越天使仲係我間房到而且佢訓左係我張床上面。望著佢雪白嘅長腿同埋魔鬼嘅面孔已經令我的靈魂不知所蹤。
『望咩呀死咸濕佬?』一把迷人嘅聲音再次將我拉回現實。
『無…無野,只係覺得你好靚女…』
『痴線⋯又話想試下本筆記？你清楚十戒未？』
十戒應該係指穿越筆記果十條規則，我當然清楚。我打開穿越筆記之後撕底一張紙，並係紙上面寫上台灣，淡江中學，2000年9月19日
『點解要去台灣?』穿越天使問我
『因為…我要追學生時代嘅桂綸鎂。』
『又係桂綸鎂？』天使暗暗咁自言自語
『你講咩話？』因為佢講得太細聲嘅關係所以我聽得唔係好清楚。
『無。』
我無再理佢，握著筆記紙再閉上眼五秒，五…四…三…二…一，我心中暗自倒數，希望可以成功吧。突然，我感覺到氣溫有很大嘅轉變。