《我要回到過去同周杰倫爭女神》: 第七章《競敵》

第七章《競敵》

2000年嘅周杰倫個樣同2015年果樣唔知點解都係差唔多，唔通呢D就係傳說中嘅不老傳奇？不過佢果個天然呆樣又確實幾吸引人嘅。

如果我無記錯嘅話周杰倫應該都係主修音樂。

『又去了哪？幹嘛經常定期失蹤呀？』桂綸鎂問佢。

『你管我？我是一隻沒有腳的雀。』



『討厭！』女神佢大力扭周邊蕫嘅手臂，攪到佢失聲大叫。

係，由家開始桂綸鎂已經等於我嘅女神。由佢地嘅對話中我睇得出佢地唔止普通朋友咁簡單，但係女神…只佩我一個人擁有！所以呢場同周蕫嘅比賽，我一定要贏！

『呵，我忘記了跟你說他是新來的啊亮, 也是主修音樂的。』

『多多指教，你可以叫我小倫口。』

『多多指教。』



『我很餓呀，不如現在去吃飯吧？』女神問

『嗯。』周董答

『亮，如果你不介意也可以一起來,順道可以介紹一些同學給你認識一下喔。』

『我唔介意。』諗唔到女神竟然主動邀請我食飯梗係應承啦

『那麼我們現在走吧！』



佢突然間拉著我隻手，話驚我當失路要親自帶我去飯堂，竟然可以有咁熱情的人，而且佢仲要係我女神，真係唔知我前世種咗咩德，今世可以有咁好嘅果。加上佢隻手真係好白滑，小亮亦都開始有反應，令到我有D尷尬，不過可以嘅話我希望時間可以永遠停留係呢一秒，係呢一刻我覺得係全球最幸福嘅男人。

『到啦！』女神鬆開咗我隻手，小亮亦開始降低。雖然我有小小失落，但係我知道以後大把機會。

雖然我岩岩先食完飯，但係為咗應酬女神亦都要食D野。

但係當我踏入飯堂睇下叫咩食先發覺原來我冇錢。

『仆街啦。』我心諗，一定唔可以被女神以為我係窮撚

『攞去啦。』忽然之間穿越天使同我講。

話時話唔係佢突然間咁講我都唔記得咗佢，但係我諗估唔到平時咁cool嘅佢竟然依家肯幫我。

佢趁無人見到嘅時候偷偷地塞咗D錢入我褲袋。



『我係阿郎同阿寶果到偷返呢。』

我輕輕點頭示意。

叫完碟飯後我地三個坐埋一張枱，期間都係傾下D無聊野，而我都大概明白成間學校既地方點去，而女神亦都介紹咗唔少同學比我識。

估唔到女神附近一定係豬扒呢個定律一早係15年前已經存在，所以我都無乜點記低佢地個名同樣。

但係其中有一個女仔好特別，佢叫曾愷玹，花名好似叫晴依，而最重要嘅係佢好似鍾意周杰倫。

我要好好利用呢一點，不過唔到最後都唔係太想用，因為呢D始終都係低裝嘅手段。

同女神食嘅第一餐飯話咁快就食完。



『啊亮，小倫會送我回家，我們明天見喔，我好高興認識到你，拜拜！』

『嗯…咁聽日見啦，拜拜！。』

我睇著周杰倫踩單車送女神返屋企，心口突然感到一陣痛楚，唔通呢D就係呷醋？我好清楚知道要溝到女神就一定要foul周蕫出局。

『反正依家都冇乜嘢做同埋我又無地方住不如返返去現實囉，穿越天使。』

『是但啦，你話事。』

『話時話岩岩做咩幫我，睇唔出妳竟然會咁做。』

『你理撚得我。』

『點都好啦，真係唔該曬。』



『我只係想你贏周杰倫。』

講開又講岩岩我發現穿越天使望住周董果陣時嘅眼神有一種凶狠嘅感覺，就好似佢地之前有過過節咁。不過我都費是問佢，因為我知道佢唔
會答我，而換來嘅只會係一句粗口。不過呢個天使⋯似乎有好多不可告人嘅秘密。

『咁我地依家返去啦…粗口天使。』
我係筆記紙背面寫上屋企地址再咪埋眼5秒，腦海中不禁諗起歡樂嘅時間過得特別快又係時間講拜拜，而周邊嘅氣溫又開始有所改變。