返到現實後先知原來已經係零辰兩點,如果係以前嘅我已經因為要番學所以一早就訓咗,但係今時唔同住曰,為咗追女神我選擇咗放棄學業,而反正我係學校存在感亦唔高,所以一段時間沒返學亦唔會太顯眼。

反正聽日都唔會返學,不如查下周杰倫都好,正所謂知己知彼,百戰百勝。

我打開電腦然後搜尋周杰倫,除咗話佢下個月會有演唱會之外亦無乜特別。而佢過去嘅緋聞女友亦都無桂綸鎂。不過網路上嘅野並唔可以盡信,所以我一定要提防周蕫。

『喂粗口天使我訓先啦,我地聽日再返去。』時間亦都唔早,我需要健康嘅身體先可以繼續比賽。不過原來天使佢一早已經訓著咗,唔怪得知佢再無用粗口罵我啦。其實佢個樣都好純潔,身材又好,行出街一定大把厹追。佢可以話係同女神同級,天使同女神有時真係好難揀。

唔好諗咁多野啦司馬瑜亮,你嘅目標係女神桂綸鎂。因為倉井空是世界的但係桂綸鎂只會是我的,但願如此。



為咗唔令老母擔心,我同佢講呢排成日會有學校練波,會好遲先返。

今朝我又再次回到過去。我同樣的出現係廁所裏面,但係今次入呢嘅唔係啊郎同啊寶,而係周杰倫。

『嗨,啊亮。』佢率先同我打招呼

『嗨,小倫。』

為咗知道佢同女神係咩關係,我決定問。



『小倫,其實你同桂綸鎂係咪好好朋友?』

『我們是男女朋友喔。』

果然,不過令我意外嘅係佢竟然親口承認。

『要上課囉,啊亮你?怎麼去嗎?』

『我一陣就去。』其實我並唔係呢到嘅學生,入課室只會被老師揭穿身份。



反正要等女神落堂,我就去咗琴房練琴。不經不覺已經過咗兩個鐘,我竟然只顧著練琴唔記得咗接女神落堂。

『猜猜我是誰?』我雙眼被兩隻手掩著,不過我一聞到佢嘅體香就知佢係邊個。

『桂綸鎂。』

『小亮好捧喔,還有你可以叫我小鎂嗎?』

佢叫我做小亮,證明佢願意同我做朋友。要我叫佢做小鎂好明顯就已經接納咗我。所以呢場比賽…我仲未輸!

『當然可以。』

『剛才你為什麼不來上課?』

『我唔想上堂。』我從細就討厭上堂。



『不開心嗎?如果有心事可以找我啊。』

『有呀,我諗緊點追求妳。』我當然無講出呢。

『可唔可以同我彈首歌?』我鼓起勇氣問佢。

『嗯。』

就係咁佢就坐咗係我隔離一齊彈四手連彈,仿佛世界就只有我地兩個咁。彈嘅時候我特登拖慢節奏,希望好好咁享受每一秒。

不過首歌始終都會彈完,完咗之後我地反而陷入冷場。

『噢,原來妳到了這裡。』煩厭嘅周杰倫又再次出現。



『居然被你找到了,挺厲害呢。』

『啊亮今天幹嘛不上課?』

關你柒事咩我心諗。

你管他?』女神竟然幫我答

佢應該仲係嬲緊琴日被周董串

『那麼小氣。』

『你管我喔。』

『不如一齊去食飯好嗎?』睇住佢地打情罵俏我個心真係好難忍受到。



睇呢要令佢地分開真係好難,唯一行得通嘅方法就係利用睛依進行反間計,但係呢種手法真係太過卑鄙,就算贏都贏得唔夠光明磊落,依家唯有見步行步啦。

我地就咁就過左一個月,我亦都成功融入左佢地,每日都有講有笑,我地三個人每日就好似連體嬰一樣合影不離。

隨著友誼亦漸漸加深,周董不經不覺間已到當咗我係兄弟。雖然佢當我係兄弟係好事,因為我要接近佢就必先要佢相信我。

但係就因為佢當我係兄弟所以我地就成日一齊,搞到我冇辦法單獨同女神一齊,呢件事先令到我最頭痛。

當我諗住唔通要放棄嘅時候上天竟然會憐憫我,賜一次絕佳嘅機會比我。