《我要回到過去同周杰倫爭女神》: 第十六章《悲劇》
自從打敗咗周杰倫之後，雖然我仲未同女神表白，但係我地就生活得好似一對情侶一樣，而我亦終於體驗到愛情電影中男女主角拍拖嘅滋味。果種感覺⋯真係好正。
今日係女神生日，為咗令佢開心我特登親手整咗個蛋糕送比佢，就係我準備穿越前粗口天使制止咗我。
「咪行住。」
「做咩呀？D蛋糕唔等得㗎。」
「啊亮，你時間亦都差唔多啦，如果要表白嘅話就今日，如果唔係我驚你會後悔。」
「妳係到講咩呀？」
「你自己睇下筆記仲剩返幾多張紙？」
我打開筆記一睇，發現筆記竟然⋯只係剩返一張⋯